BSF نے پنجاب کے ضلع ترن تارن میں چائنا میڈ ڈرون برآمد کیا

ترن تارن /بارڈر سیکیورٹی فورس (بی ایس ایف) نے اتوار کی صبح ترن تارن ضلع کے سرحدی علاقے میں ایک چین ساختہ ڈرون برآمد کیا۔ برآمد شدہ ڈرون کی شناخت چائنہ ساختہ DJI Matrice 300 RTK کے طور پر کی گئی ہے۔ بی  ایس ایف  نے ایک  بیان میں کہا کہ 31 مارچ کی صبح ضلع ترن تارن کے سرحدی علاقے میں ڈرون کی موجودگی کی اطلاع ملی تھی اور بی ایس ایف کے دستوں نے اس اطلاع پر فوری جوابی کارروائی کی۔  تلاشی کارروائی کے  دوران  صبح  کے وقت بی ایس ایف کے دستوں نے کامیابی کے ساتھ ڈرون کو برآمد کیا۔  بیان میں  بتایا گیا  کہ یہ بازیابی ضلع ترن تارن کے گاؤں حویلیاں سے متصل ایک کھیت  سے ہوئی۔ بی ایس ایف نے کہا کہ یہ بازیافت سرحد پار سے ڈرون کی دراندازی کی ایک اور کامیاب روک تھام کی نشاندہی کرتی ہے۔ اس سے قبل 29 مارچ کو بارڈر سیکورٹی فورس (بی ایس ایف( نے امرتسر ضلع کے داؤکے گاؤں کے قریب ایک ڈرون برآمد کیا تھا۔ تلاشی کے دوران، انہوں نے کامیابی کے ساتھ ایک چھوٹا کواڈ کاپٹر ڈرون (DJI Mavic 3) ڈاؤکے گاؤں کے قریب ایک کھیتی کے کھیت سے تلاش کیا اور برآمد کیا۔