وزیر اعظم 23 ستمبر کو نئی دہلی میں ’بین الاقوامی وکلاء کانفرنس 2023‘ کا افتتاح کریں گے

 نئی دلی/ وزیر اعظم جناب نریندر مودی 23 ستمبر 2023 کو صبح 10 بجے نئی دہلی کے وگیان بھون میں ’بین الاقوامی وکلاء کانفرنس 2023‘ کا افتتاح کریں گے۔ اس موقع پر وزیراعظم جلسے سے خطاب بھی کریں گے۔بین الاقوامی وکلاء کانفرنس 2023 کا انعقاد بار کونسل آف انڈیا کی جانب سے 23 تا 24 ستمبر 2023 کو ‘ انصاف کی فراہمی کے نظام میں ابھرتے ہوئے چیلنجز’ کے موضوع پر کیا جا رہا ہے۔ کانفرنس کا مقصد مختلف قانونی موضوعات پر بامعنی مکالمے اور بحث کے لیے ایک پلیٹ فارم کے طور پر کام کرنا ہے۔ کانفرنس کا مقصد  قومی اور بین الاقوامی اہمیت، خیالات اور تجربات کے تبادلے کو فروغ دینا، اور قانونی مسائل پر بین الاقوامی تعاون اور تفہیم کو مضبوط کرنا ہے ۔ ملک میں پہلی بار منعقد ہونے والی اس کانفرنس میں ابھرتے ہوئے قانونی رجحانات، سرحد پار قانونی چارہ جوئی میں چیلنجز، قانونی ٹیکنالوجی، ماحولیاتی قانون وغیرہ جیسے موضوعات پر تبادلہ خیال کیا جائے گا۔اس پروگرام میں معزز ججوں، قانونی ماہرین اور عالمی قانونی برادری کے رہنماؤں کی شرکت کا مشاہدہ کیا جائے گا۔