ماریوپول میں ازووسٹل اسٹیل پلانٹ کو فتح کرنے کا اعلان

یوکرین کے بندرگاہ شہرپرفتح کیلئے جاری جنگ اختتام کو پہنچ گئی : وزارت دفاع
کیف: ۱۲ مئی (یو این آئی) روس نے ماریوپول میں ازووسٹل اسٹیل پلانٹ پر فتح کا اعلان کرتے ہوئے کہا ہے کہ شہر کے اسٹیل پلانٹ کی حفاظت کرنے والے فوجیوں نے اب ہتھیار ڈال دیے ہیں۔ روس کی وزارت دفاع نے کہاکہ ازووسٹل کے بیسمنٹ میں جہاں باغی پناہ لئے ہوئے تھے، اسے بھی اب روسی فوج نے اپنے کنٹرول میں لے لیاہے۔ وزارت نے کہاکہ یوکرین کے اس بندرگاہ شہرپرجیت حاصل کرنے کےلئے مہینوں جاری جنگ اب اپنے اختتام کو پہنچ گئی ہے۔ وزارت نے کہاکہ یہاں سے 531 یوکرینی فوجیوں کے پیچھے ہٹنے کے بعد ماریوپول شہر اور اس کے اسٹیل پلانٹس اب مکمل طور پر آزاد ہیں۔ بی بی سی کی رپورٹ کے مطابق یوکرین کے صدر ولودیمیر زیلنسکی نے کہا کہ پلانٹ علاقے سے باقی فوجیوں کووہاں سے نکالنے کی اجازت دی گئی ہے۔ انہوں نے یوکرین کے ایک ٹیلی ویڑن چینل سے بات کرتے ہوئے جمعہ کوکہا تھا، "آج فوج کے جوانوں کو فوجی کمانڈ کی طرف سے واضح اشارہ ملاہے کہ وہ وہاں سے نکل جائیں اوراپنی جان بچائیں۔قابل ذکر ہے کہ یوکرین کا یہ بندرگاہی شہر کئی ہفتوں تک روسی افواج کے گھیرے میں تھا۔ اس دوران یہاں خواتین، بچوں اور بزرگوں سمیت متعدد شہری پھنسے رہے۔ دریں اثنا، رپورٹ کے مطابق، روسی سیکیورٹی فورسز نے کسی بھی طرح کی انسانی امداد کو روک دیا، پلانٹ پر بمباری کی اور اس کی باقی سیکیورٹی فورسز نے ان کے سامنے اپنے ہتھیار ڈال دئے۔