کپواڑہ میں منشیات اسمگلروں کے خلاف پولیس کی کارروائی تیز

04منشیات فروشوں اور ایک بدنام چور کے خلاف پی ایس اے کے تحت کیس درج
سماج دشمن عناصر کے خلاف سخت کارروائی کرتے ہوئے اور ہمارے معاشرے کو جرائم سے پاک بنانے کیلئے کپواڑہ میں پولیس نے حکام سے پبلک سیفٹی کی منظوری حاصل کرنے کے بعد 04 منشیات فروشوں اور ایک بدنام چور کے خلاف مقدمہ درج کیاگیا ہے۔اطلاعت کے مطابق کپواڑہ میں پولیس نے سلسلہ وار کارروائیوں میں چار بدنام زمانہ منشیات فروشوں کے قبضے سے بھاری مقدار میں ممنوعہ اشیاءضبط کی ہیں منشیات فروشوں کی شناخت عاشق حسین میر عرف عاشق کوڈائن ولد غلام قادر میر ساکن مقام شاہوالی ڈرگمولہ، ماجد رحمن خان ولد عبدالرحمن خان ساکن گنڈسناہئی ہامہ غلام نبی لون (نبا) ولد علی محمد لون ساکن سربل محلہ گجریال کرالپورہ اور عطا خان عرف راجہ ولد امان اللہ خان ساکن ہلمت پورہ چیک کپواڑہ کے طور پر کی گئی ہے۔جس کے تحت مختلف تھانوں میں مقدمات درج کر کے ملزمان کو گرفتار کر لیا گیا۔ اس کے بعد، مقدمات پر باقاعدہ کارروائی کر کے متعلقہ حکام سے پی ایس اے کی منظوری حاصل کرنے کے بعد، گرفتار منشیات فروشوں کو پبلک سیفٹی ایکٹ کے تحت حراست میں لے لیا گیا۔مزید برآں ایک بدنام چور یعنی دانش منظور زرگر عرف چھوٹا ڈان ولد منظور احمد زرگر ساکن ٹکر کپواڑہ کو آج کپواڑہ پولیس نے پبلک سیفٹی ایکٹ کے تحت اس کی چوری اور چوری کی بے لگام مجرمانہ کارروائیوں کے لیے متعلقہ حکام سےپی ایس اے حاصل کرنے کے بعد حراست میں لے لیا۔ وہ ضلع میں چوری اور ڈکیتی کی متعدد وارداتوں میں ملوث تھا۔سماج دشمن عناصر کے خلاف ہماری مسلسل کارروائیوں سے کمیونٹی کے افراد کو یہ یقین دلانا چاہیے کہ ہم اپنے معاشرے کو دشمن عناصر کی لعنت سے پاک رکھنے کے لیے مسلسل کوششیں کر رہے ہیں۔