یوکرین کے ریلوے اسٹیشن پر روس کا میزائل گرگیا،50 افراد ہلاک

کیف: ۹ اپریل (یو این آئی) روسی میزائل یوکرین کے بھیڑ بھاڑ والے ریلوے اسٹیشن سے ٹکرانے سے وہاں موجود ہزاروں لوگوں میں سے پانچ بچوں سمیت کم از کم 50 افراد موت اور متعدد زخمی ہوگئے ۔ یوکرین کے افسران نے بتایا کہ حملے کے وقت اسٹیشن زیادہ تر خواتین اور بچوں سے بھرا ہوا تھا، جو روسی حملے سے بچنے کیلئے علاقے سے بھاگنے کی کوشش کر رہے تھے ۔ یوکرین کے پراسیکیوٹر جنرل کے دفتر نے کہا کہ کراماٹوسک ریلوے اسٹیشن سے ملنے والی تصاویر میں حملے میں ہلاک ہونے والوں کی لاشوں زمین پر راکٹ کے باقیات کے ساتھ ترپال سے ڈھکا ہوا دکھایا گیا ہے ۔ انہوں نے کہا کہ حملے کے وقت اسٹیشن کے اندر اور اس کے آس پاس تقریباً 4000 شہری موجود تھے ۔ ڈان باس کے علاقے میں لڑائی میں شدت آنے سے پہلے لوگوں سے علاقہ چھوڑنے کو کہا جا رہا ہے ۔ یوکرین کے صدر ولادیمیر زیلنسکی اور دیگر لیڈروں نے روسی فوج پر جان بوجھ کر اسٹیشن پر حملہ کرنے کا الزام لگایا۔ جبکہ روس نے یوکرین پر الزام لگاتے ہوئے کہا کہ اس کی فوج ایسے میزائل استعمال نہیں کرتی۔