جموں کشمیر میں کووڈ متاثرین میں معمولی اضافہ ،31نئے کیس درج

سرینگر میں 22نئے معاملات درج ، ادھم پورہ میں ایک نیا معاملہ درج ، کوئی تازہ اموات نہیں
جموں کشمیر میںکووڈ متاثرین میں معمولی اضافہ کے بیچ گزشتہ 24گھنٹوں میں 31نئے معاملات درج ہوئے جبکہ کوئی نئی اموات نہیںہوئی ہے ۔اطلاعات کے مطابق کووڈ کے کیسوں میں آئے روز کمی کا رجحان جہاں بڑھتا ہے وہیںکچھ دنوں بعد کیسوں میںمعمولی اضافہ ہو گیا ہے ۔ حکام کے مطابق گزشتہ 24گھنٹوں میں جموں کشمیر میں کووڈ کے 31نئے معاملات درج ہو گئے ہیں جس کے ساتھ متاثرین کی تعداد 453626.تک پہنچ گئی ہے ۔ تازہ معاملات میں جموں سے ایک جبکہ کشمیر صوبے سے 30نئے کیس درج ہو گئے ہیں ۔ حکام کے مطابق تازہ معاملات میں کشمیر سے سرینگر میں 22کیس ، بڈگام میں تین ، بارہمولہ میں دو ،پلوامہ میں ایک اور اننت ناگ میں دو نئے معاملات درج ہوئے جبکہ جموںمیں ادھم پورہ ضلع میں ایک کیس درج کر لی گئی ہے ۔ اور جموں کے دیگر اضلاع میںکوئی نیا کیس درج نہیںہوا ہے ۔ قابل ذکر بات یہ ہے کہ جموں کشمیر میں وائرس سے ابھی تک 4750افراد کی موت واقع ہوئی ہے جس میں سے 2327جموں جبکہ 2423اموات کشمیر میں درج ہوئے ہیں ۔