کولگام میں عمر رسیدہ شہری سے چالیس ہزار روپیے لوٹے گئے، چار گرفتار: پولیس

سرینگر/8 مارچ// جموں و کشمیر پولیس نے جنوبی ضلع کولگام میں گذشتہ ماہ ایک عمر رسیدہ شہری کے اکاؤنٹ سے دھوکہ دہی کرکے چالیس ہزار روپیہ نکالنے کے بعد چار افراد کو گرفتار کیا ہے۔

ایک پولیس ترجمان نے منگل کو اپنے ایک بیان میں کہا کہ 14 فروری کو پولیس اسٹیشن کولگام کو ایک شہری کی طرف سے تحریری شکایت موصول ہوئی کہ اس کا والد 6 فروری کو جموں و کشمیر بینک کولگام کی اے ٹی ایم پر پیسے نکالنے کے لئے گیا۔

انہوں نے کہا: ‘چونکہ میرا والد اے ٹی ایم کارڈ استعمال کرنا نہیں جانتا ہے لہذا اس نے وہاں موجود ایک نامعلوم شخص کو پیسے نکالنے کو کہا اور اس کو اے ٹی ایم کارڈ دیا اور اس کا پن بتا دیا‘۔