سرینگر جموں شاہراہ پر سرمولی کے مقام پر بھاری پسیاں گر آنے کے بعد ٹریفک کی نقل و حمل بند

شاہراہ کو صاف کرنے کا کام ہنگامی نوعیت پر جاری ، آج بھی شاہراہ ٹریفک کیلئے بند رہے گی / محکمہ ٹریفک
سرینگر جموں شاہراہ پر سرمولی میں بھاری پسیاں گر آنے کے بعد سرینگر جموں شاہراہ پر سوموار کو ٹریفک کی آمد رفت بند رہی جس کے نتیجے میں مختلف مقامات پر درجنوں گاڑیاں درماندہ ہو کر رہ رہ گئی ۔ ادھر بھاری پتھر گر آنے کے بعد محکمہ ٹریفک نے اعلان کیا ہے کہ یکم مارچ کو بھی شاہراہ ٹریفک کی آمد رفت کیلئے بند رہی گی اور اس کیلئے محکمہ نے ایڈوائزری جاری کر دی ہے ۔ نمائندے نے اس ضمن میں قاضی گنڈ سے تفصیلات فراہم کرتے ہوئے بتایا کہ سرینگر جمو ں شاہراہ پر سر مولی کے مقام پر سوموار کی صبح اس وقت ٹریفک کی آمد رفت دوبارہ بند ہوئی جب شاہراہ پر بھاری پتھر گر آئے ۔ محکمہ ٹریفک کے ایک سنیئر آفیسر نے ا سکی تصدیق کرتے ہوئے بتایا کہ سرمولی اودھم پور علاقے میں بھاری بھر کم مٹی کا تودا کھسک آیا ہے جس کے باعث شاہراہ پر ٹریفک کی نقل و حمل روک دی گئی ہے۔انہوں نے بتایا کہ شاہراہ پر پتھر گر آنے کے بعد شاہراہ کو صاف کرنے کا ہنگامی نوعیت پر جاری ہے ۔ ادھر نمائندے کے مطابق شاہراہ بند ہونے کے ساتھ ہی مختلف مقامات پر سینکڑوں کی تعداد میں مسافر و مال بردار گاڑیاں درماند ہو گئی ہے ۔ انہوںنے کہا کہ شاہراہ کے مختلف مقامات پر گاڑیاں درماندہ ہے جن میں مال بردار کے ساتھ ساتھ مسافر گاڑیاں بھی شامل ہے ۔ ادھر وادی کو لداخ یونین ٹریٹری کے ساتھ جوڑنے والی سرینگرلیہہ شاہراہ اور جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ مسلسل بند ہیں۔ادھر محکمہ ٹریفک نے ایڈوائزری جاری کرتے ہوئے کہا کہ آج یعنی یکم مارچ کو بھی شاہراہ پر ٹریفک کی آمد رفت بند رہے گی ۔ انہوں نے بتایا کہ شاہراہ پر بھاری پتھر گر آنے کے بعد مسافروں کی جان و مال کی حفاظت کو مد نظر رکھتے ہوئے آج شاہراہ پر ٹریفک کی آمد رفت بند رکھنے کا فیصلہ لیا گیا ہے ۔