یکم مارچ کو سرکاری تعطیل ہونے کی وجہ سے اب 2مارچ کو اسکولوں میںکام کاج کا پہلا دن ہوگا / محکمہ تعلیم
جموں کشمیر انتظامیہ نے اعلان کیا ہے کہ وادی کشمیر میں نرسری سے آٹھویں جماعت تک کے سکول مارچ 2سے کھلے گئے اور دو مارچ کو اسکولوں میں پہلا دن ہوگا ۔ اسی دوان معلوم ہوا ہے کہ بچے بھی سکول پھر سے کھلنے کا بے صبری سے انتظارکررہے ہیں جبکہ والدین بھی ان دنوں بچوں کی تیاریوں میں لگے ہوئے ہیں ۔ اطلاعات کے مطابق وادی کشمیر میں قریب اڑھائی برس بعد مکمل طور پر سکول 28فروری کے بعد سرکار کی جانب سے پہلے ہی اعلان کیا جاچکا ہے اور یکم مارچ سے سکول کھولنے کی تیاریاں محکمہ کی جانب سے بھی بڑے پیمانے پر شروع کی گئیں ہیں
تاہم یکم مارچ کو شب معراج العالم اور مہا شیوراتری کے پیش نظر جموں کشمیر میں سرکاری تعطیل ہونے کی وجہ سے اب 2مارچ کو نرسری سے آٹھویں جماعت تک کے سکولوں کے ساتھ ساتھ ہائر سیکنڈریوں،کالجوں اور دیگر تعلیمی اداروں میں معمول کادرس و تدریس کا کام شروع کیا جارہا ہے ۔اس ضمن میں محکمہ تعلیم کے پرنسپل سیکرٹری بی کے سنگھ نے کہا کہ وادی کشمیر کے اسکولوں میں معمول کا درس و تدرس 02مارچ سے باضابطہ طور پر شروع ہوگا ۔ انہوں نے کہا کہ اگرچہ سٹیٹ ایگزیکٹو کمیٹی کی جانب سے اعلان کیا گیا تھا تھا کہ 28فروری کے بعد اسکول کھولیں گے تاہم یکم مارچ کو شب معراج العالم اور مہا شیوراتری کے پیش نظر جموں کشمیر میں سرکاری تعطیل ہونے کی وجہ سے اب 2مارچ کو نرسری سے آٹھویں جماعت تک کے سکولوں کے ساتھ ساتھ ہائر سیکنڈریوں،کالجوں اور دیگر تعلیمی اداروں میں معمول کادرس و تدریس کا کام شروع کیا جارہا ہے ۔ اس ضمن میں سی این آئی سٹی رپورٹر کے ساتھ بات کرتے ہوئے کئی والدین نے بتایا کہ ہمارے بچوں کا مستقبل اب خطرے میں پڑنے والا تھا کیوں کہ گزشتہ اڑھائی ، تین برسوں سے چھوٹے بچے سکول جانے سے محروم تھے ۔ بچوں کےلئے اگرچہ سرکاری و پرائیویٹ سکولوں کی جانب سے آن لائن کلاس چلائے جاتے تھے تاہم آن لائن کلاسوں میں بچوں کو مطلوبہ درس حاصل نہیں ہوتا تھا اور بچوں کی ذہنی و جسمانی نشونماءپر منفی اثرات پڑتے تھے ۔ ادھر بچوں نے بھی سکول کھلنے پر بے حد خوشی اظہار کرتے ہوئے بتایا کہ وہ سکولوں میں اپنے دوستوں اور ٹیچروں سے ملنے کا انتظار کررہے ہیں۔
