ضلع کمشنر سرینگر کا درگاہ حضرتبل کا دورہ ، معراج العالم انتظامات کا لیا جائزہ

تمام متعلقہ محکمہ جات کو ذائرین کےلئے بنیادی سہولیات بہم رکھنے کی ہدایت
معراج العالم کے سلسلے میں درگاہ حضرتبل میں تقریب سید انتظامات کا آج ڈی سی سرینگر نے جائزہ لیا ۔ ضلع کمشنر نے اس سلسلے میں درگاہ حضرتبل کا دورہ کیا جہاں انہوں نے ذائرین کےلئے بہم رکھی جانے والی سہولیات کا جائزہ لیا ۔ ضلع کمشنر محمد اعجاز اسد کے درگاہ دورہ کے دوران ان کے ہمراہ وقف بورڈ کے سی ای او مفتی فرید الدین ، ایڈیشنل ڈپٹی کمشنر سرینگر، ڈاکٹر سید حنیف بلخی کے علاوہ چیف پلاننگ آفسیر ، سی ایم او سرینگر، تحصیلدار نارتھ، پی ایچ ای اور آر اینڈ بی ، پی ڈی ڈی ، ایس ایم سی اور دیگر متعلقہ افسران تھے ۔ اس موقعے پر ڈی سی موصوف نے تمام افسران پر زور دیا کہ وہ اس مقدس شب کے حوالے سے درگاہ آنے والے ذائرین کےلئے بہتر انتظامات بہم رکھے جائیں تاکہ ذائرین کو کسی طرح کی مشکلات درپیش نہ ہوں ۔ انہوںنے پی ایچ ای حکام پر سے کہا کہ آستان عالیہ میں پینے کے صاف پانی اور وضو کےلئے پانی کی دستیابی کو یقینی بنانے کےلئے پیشگی اقدامات اُٹھائیں اور آستان کے احاطے میں پانی کے ٹینکر موجود رکھیں۔ اسی طرح انہوں نے پی ڈی ڈی افسران کو ہدات دی کہ اس متبرک دن اور شب میں بجلی کی بہتر سپلائی اور بلا خلل بجلی کی فراہمی کو یقینی بنائیں اور بجلی کے کسی بھی بریک ڈاون کے وقت معقول بجلی بیک اپ تیاری کی حالت میں رکھیں۔ برف کو صاف کرنے کے حوالے سے ڈی سی نے متعلقہ افراد سے کہا کہ وہ اس بات کو یقینی بنائیں کہ آستان کے احاطے میں جمع برف اوریہاں پہنچنے والے روڈ کو معراج النبی کی آمد سے قبل اچھی طرح صاف کیا جائے۔ڈی سی نے ایس ایم سی کے عہدیداروں کو یہ بھی ہدایت دی کہ وہ آستان عالیہ کے اندر اور اس کے ارد گرد مناسب صفائی کو یقینی بنانے کے لیے پنڈال میں کافی آدمی اور مشینری تعینات کریں۔ڈی سی نے حضرت بل کے احاطے میں ڈاکٹروں اور پیرامیڈیکس کی مناسب تعداد کے ساتھ ایک ایمبولینس سروس اور ابتدائی طبی امداد کی دیگر سہولیات کے ساتھ میڈیکل کیمپ لگانے کی بھی ہدایت کی۔قبل ازیں، ڈی سی کو سی ای او، وقف بورڈ نے وقف بورڈ کی جانب سے مقدس مذہبی موقع کو خوش اسلوبی سے منانے کے لیے کیے جانے والے انتظامات کے بارے میں آگاہ کیا گیا جس کے دوران ہزاروں لوگوں کی موئے مقدس کا دیدار کرنے اور خصوصی دعا کرنے کے لیے آنے کی امید ہے۔