کسانوں کی سہولت کیلئے ڈیڑ ھ لاکھ پوسٹ آفس باقاعدہ بینکنگ سروس فراہم کرینگے: مودی

نئی دہلی (یو این آئی) وزیر اعظم نریندر مودی نے جمعرات کے روز کہا کہ بجٹ میں زراعت کو جدید اور سمارٹ بنانے کیلئے سات طریقے تجویز کیے گئے ہیں، جن میں گنگا ندی کے دونوں اطراف پانچ کلومیٹر کے دائرے میں قدرتی کھیتی کو مشن موڈ پر کرنےاورباغبانی کو جدید ٹیکنالوجی دستیاب کرانا سب سے اہم ہے۔ مسٹر مودی نے بجٹ 2022 کا زرعی شعبے پر مثبت اثرات کے موضوع پر ایک ویبینار سے خطاب کرتے ہوئے کہا کہ بجٹ میں مشن پام آئل کو مضبوط بنانے پر بھی زور دیا گیا ہے ، جس سے خوردنی تیل کی درآمدات کو کم کیا جا سکے۔ اس کے ساتھ ’پردھان منتری گتی شکتی یوجنا‘ کے تحت زرعی مصنوعات کی ٹرانسپورٹیشن کیلئے ایک لاجسٹک نظام دستیاب کرانا ہے۔ بجٹ میں ایگریکلچر ویسٹ کے بہترمنیجمنٹ پر بھی زور دیا گیا ہے تاکہ توانائی پیدا کرکے کسانوں کی آمدنی میں اضافہ کیا جاسکے۔ وزیر اعظم نے کہا کہ کسانوں کی سہولت کیلئے ڈیڑ ھ لاکھ پوسٹ آفس باقاعدہ بینکنگ سروس فراہم کریں گے۔ اس کے ساتھ ہی انسانی وسائل اور ہنرمندی کےلئے زرعی تحقیق اور تعلیمی نصاب میں تبدیلیاں کی جائیں گی۔