اسمرتی مندھانا خواتین کرکٹ ٹیم میں شامل ، کوئنس ٹاون روانہ

کرائسٹ چرچ۔ اسٹار بلے باز اسمرتی مندھانا نے منگل کو اپنا کورنٹائن وقت پورا کرلیا ہے۔ اس کے ساتھ ہی مندھانا نیوزی لینڈ کے خلاف ون ڈے سیریز کے بقیہ میچوں میں ہندوستانی خواتین کرکٹ ٹیم میں شامل ہونے کے لیے کوئنس ٹاو¿ن روانہ ہوگئیں۔ مندھانا نیوزی لینڈ کے خلاف واحد ٹی ٹوئنٹی اور ون ڈے سیریز کے پہلے دو میچ نہیں کھیل سکیں۔ کیونکہ وہ دو دیگر کھلاڑیوں میگھنا اور رینوکا سنگھ کے ساتھ تھیں۔ میگھنا اور رینوکا دونوں تیز گیند باز ہیں۔رینوکا پہلے ہی قرنطینہ سے باہر آچکی تھی، جبکہ میگھنا کا قرنطینہ بھی منگل کو مکمل ہوگیا تھا۔ مندھانا اور میگھنا، تاہم، فٹنس کی بنیاد پر جمعہ کو تیسرے ون ڈے کے لیے دستیاب نہیں ہوں گی۔ کیونکہ وہ ایک طویل عرصے سے کورنٹائن ہیں۔ بی سی سی آئی نے پہلے تین میچوں میں اسمرتی، میگھنا اور رینوکا کی غیر موجودگی پر ابھی تک کوئی سرکاری بیان نہیں دیا ہے۔ لیکن یہ جانکاری سامنے آئی ہے کہ گزشتہ ماہ کے آخر میں ان تینوں میں سے ایک کے نیوزی لینڈ پہنچنے کے بعد کورونا کی رپورٹ مثبت آئی تھی۔ تینوں کھلاڑیوں کو کورونا ویکسین کی دونوں خوراکیں مل چکی ہیں۔