جموں کشمیر میں 4175نئے مثبت معاملات،5مریض فوت

حالیہ کچھ دنوںمیں یومیہ کیسوں میں قدرے کمی کے بیچ گزشتہ چوبیس گھنٹوںکے دوران جموں و کشمیر میں 4175 نئے مثبت معاملات رپورٹ ہوئے جب کہ اس دوران کورونامیں مبتلاءمزید5 افرادکی موت واقعہ ہوئی ۔اطلاعات کے مطابق سنیچر کی شام جاری سرکاری اعدادوشمارمیں بتایاگیاکہ گزشتہ چوبیس گھنٹوںکے دوران جو4175نئے مثبت معاملات سامنے آئے ہیں ،اُن میں سے 1363جموں صوبے اورباقی2812کشمیر وادی میں درج ہوئے ۔حکام نے بتایاکہ 4175نئے کیس سامنے آنے کے بعدجموں وکشمیرمیں عالمگیروباءمیں مبتلاءہونے والوںکی کل تعداد4لاکھ 28 ہزار260 ہوگئی۔سرکاری اعدادوشمارکے مطابق تازہ اموات میں سے 3 جموں ڈویڑن سے اور2 وادی کشمیر سے رپورٹ ہوئے ہیں۔ اب تک 4652 لوگوں کی اس وائرس کی وجہ سے موت ہو چکی ہے،جن میں سے جموں صوبے میں 2271 اور وادی کشمیر میں 2381مریض فوت ہوئے ہیں۔ضلع وار تفصیلات بتاتے ہوئے، انہوں نے کہا، سری نگر میں 892، بارہمولہ میں 475، بڈگام میں 127، پلوامہ میں 153، کپواڑہ میں 436، اننت ناگ میں 234، بانڈی پورہ میں 131، گاندربل میں 44، کولگام میں 292، شوپیاں میں 28،جموں 653، ادھم پور 104، راجوری 34، ڈوڈہ 186، کٹھوعہ 99، سانبہ 55، کشتواڑ 13، پونچھ 49، رام بن 145 اور ریاسی 25نئے کیس درج ہوئے ہیں ۔سرکاری اعدادوشمارکے مطابق، اس دوران 7107 کوویڈ 19 مریض صحت یاب ہوئے ،جن میں سے 1814 جموں ڈویڑن سے اور 5293 کشمیر سے صحت یاب ہوئے۔ اب تک 381389 لوگ صحت یاب ہوئے ہیں، جبکہ فی الوقت جموں وکشمیرمیں فعال معاملات کی کل تعداد 42219ہے ،جن میں سے جموں صوبے میں10656 اور کشمیر میں 31563 فعال کیسز ہیں۔حکام نے کہا کہ (سیاہ فنگس) کا کوئی نیا تصدیق شدہ کیس رپورٹ نہیں ہوا ہے۔ حکام نے بتایا کہ اب تک جموں و کشمیر میں بلیک فنگس کے 51 کیسز کی تصدیق ہوئی ہے۔ انہوں نے یہ بھی بتایا کہ جموں و کشمیر میں اس وقت کے دوران کوویڈ 19 ویکسین کی 31,038 خوراکیں دی گئیں۔