شوپیاں میںرنبیارا نالے سے نامعلوم لاش برآمد

راجوری میں پولیس کے ہیڈ کانسٹیبل کی لاش ملی
سری نگر/ جنوبی کشمیر کے شوپیاں ضلع کے بوہری ہلان علاقے میں جمعرات کی صبح رنبیارا نالے سے ایک نامعلوم لاش برآمد ہوئی ہے۔جے کے این ایس کے مطابق ذرائع نے بتایا کہ مقامی لوگوں نے بوہری ہلان علاقے میں جمعرات کی صبح رنبیارا نالے میں نامعلوم لاش دیکھی جس کے بعد انہوں نے مقامی پولیس یونٹ کو اطلاع دی جو جلد ہی موقع پر پہنچی۔انہوں نے بتایا کہ لاش کو شناخت اور دیگر قانونی کارروائیوں کےلئے اسپتال منتقل کر دیا گیا ہے۔شوپیان پولیس نے تفتیش شروع کر دی ہے اور لاش کی شناخت کے لئے کام کر رہی ہے۔ادھر جموں و کشمیر پولیس کے ایک ہیڈ کانسٹیبل کی لاش جمعرات کو راجوری ضلع کے پنجہ چوک علاقے کے قریب پراسرار حالت میں ملی۔ حکام نے بتایا کہ سمرن ہوٹل کے گیٹ کے سامنے پولیس کے ایک کانسٹیبل کی لاش ملی۔ متوفی کی شناخت نریش کمار کے طور پر کی گئی ہے۔ کچھ ہی دیر میں پولیس کی ایک ٹیم موقع پر پہنچ گئی اور متوفی کو طبی قانونی کارروائیوں کےلئے گورنمنٹ میڈیکل کالج راجوری منتقل کیا۔ راجوری پولیس نے اس سلسلے میں ایک کیس درج کر کے تحقیقات شروع کر دی ہے۔