جنوبی کشمیرمیں گزشتہ24گھنٹوں کے دوران دوسراخونین انکاﺅنٹر

 نادر ترال تصادم میں 3ملی ٹنٹ ہلاک
 دہشت گردی کے ماحولیاتی نظام کو تباہ کرنے کیلئے کوشاں:آئی جی پی کشمیر
سری نگر/جنوبی کشمیرمیں گزشتہ24گھنٹوں کے دوران ہوئے دوسرے انکاﺅنٹر میں 3ملی ٹنٹ ہلاک ہوئے،جن کا تعلق کالعدم تنظیم جیش محمدسے بتایاجاتاہے ،جبکہ بدھ 13 مئی کو شوپیان کے شکر کیلرجنگلاتی علاقے میں لشکر سے وابستہ3مقامی ملی ٹنٹ مارے گئے تھے،جن میں شاہد کٹے نامی مطلوب ملی ٹنٹ کمانڈر بھی شامل ہے ۔جے کے این ایس کوملی تفصیلات کے مطابق جنوبی کشمیر کے پلوامہ ضلع میں جمعرات کو سیکورٹی فورسز کے ساتھ تصادم میں 3دہشت گرد مارے گئے۔ایک پولیس اہلکار نے بتایا کہ سیکورٹی فورسزبشمول پولیس،ایس اﺅجی،فوج اورسی آرپی ایف نے جنوبی کشمیر کے ضلع اونتی پورہ کے نادر ترال علاقے میں کچھ دہشت گردوں کی موجودگی کے بارے میں مخصوص اطلاعات ملنے کے بعد پورے علاقے میںمحاصرے اور تلاشی کی کارروائی شروع کی۔انہوں نے کہا کہ دہشت گردوں کی طرف سے سیکورٹی فورسز پر فائرنگ کرنے کے بعد تلاشی کارروائی تصادم میں بدل گئی،اورسیکورٹی فورسزنے جوابی کارروائی کی۔پولیس ذرائع نے بتایاکہ طرفین کے درمیان ہونے والی شدید فائرنگ کے تبادلے میں 3دہشت گرد مارے گئے۔ انہوں نے بتایا کہ مارے گئے دہشت گردوں کی شناخت اور گروپ سے وابستگی کا ابھی تک پتہ نہیں چل سکا ہے۔پولیس کے صوبائی سربراہ وی کے بردی نے دیگرسیکورٹی حکام کیساتھ جائے وقوع میں دہشت گردی مخالف آپریشن کی نگرانی اوررہنمائی کی ۔آئی جی پی کشمیر وی کے بردی نے جائے جھڑپ کے نزدیک نامہ نگاروںکو بتایاکہ تصادم کی جگہ کے قریب 3 لاشیں پڑی ہیں۔انہوںنے کہا کہ جمعرات کی صبح سیکورٹی فورسز کو علاقے میں دہشت گردوں کی موجودگی کے بارے میں مخصوص اطلاع ملی اور اس کے مطابق محاصرہ کیا گیا۔سینئرپولیس افسرنے کہاکہ محاصرے کے دوران چھپے دہشت گردوں اور سیکورٹی فورسز کے درمیان تصادم ہوا۔ اب تک جائے جھڑپ کے قریب سے 3لاشیں دیکھی جا چکی ہیں۔انہوںنے بتایاکہ آپریشن ابھی جاری ہے، علاقے کو صاف کرنے میں کچھ وقت لگے گا۔آئی جی پی کشمیرکاکہناتھاکہ لاشیں برآمد ہونے کے بعد ہی شناخت اوراُن کی تنظیمی وابستگی ظاہر کی جائے گی۔ انہوں نے کہاکہ