پی ایم اے وائی ۔ یو جموں و کشمیر میں یونیورسل ہاوسنگ کو یقینی بنائے

چیف سیکرٹری نے ایچ یو ڈی ڈی سے دستاویزی تصدیق کے بعد نااہل مستحقین کو مسترد کرنے کو کہا
چیف سیکرٹری ڈاکٹر ارون کمار مہتا نے آج پردھان منتری آواس یوجنا ۔ اربن ( پی ایم اے وائی ( یو ) مشن کی ریاستی سطح کی منظوری اور نگرانی کمیٹی ( ایس ایل ایس ایم سی ) کی 9 ویں میٹنگ کی صدارت کی ۔ میٹنگ میں خزانہ ، صحت و طبی تعلیم ، مکانات و شہری ترقی ، جنگلاو ماحولیات ، منصوبہ بندی ، ترقی و نگرانی ، جل شکتی اور ریونیو کے انتظامی سیکرٹریوں کے علاوہ کمشنر جموں میونسپل کارپوریشن ، منیجنگ ڈائریکٹر ہاﺅسنگ بورڈ ، منیجنگ ڈائریکٹر اور چیئرمین جموں و کشمیر بینک اور متعلقہ شعبوں کے سربراہان نے شرکت کی۔چیف سیکرٹری نے پی ایم اے وائی ۔ یو کے چار ورٹیکلز یعنی بینیفشری لیڈ انفرادی مکان کی تعمیر یا اضافہ ( بی ایل سی ) ، شراکت میں سستی رہائش ( اے ایچ پی ) ، کریڈٹ لنکڈ سبسڈی اسکیم ( سی ایل ایس ایس ) کے تحت ہونے والی پیش رفت کا جائیزہ لیا ۔ میٹنگ میں بتایا گیا کہ ہاوسنگ اینڈ اربن ڈیولپمنٹ ڈیپارٹمنٹ تمام منظور شدہ فائدہ اٹھانے والوں کی تصدیق کا کام کر رہا ہے تا کہ اٹھائے گئے دعووں کی تصدیق کی جا سکے اور نااہل مستحقین کو مسترد کیا جا سکے ۔ اس کے مطابق کشمیر اور جموں ڈویژن میں بالترتیب 18613 اور 1524 استفادہ کنندگان کو دعوو¿ں کو مسترد کرنے کی تجویز دی گئی ۔ میٹنگ میں مزید بتایا گیا کہ جموں و کشمیر کے تمام شہروں اور قصبوں میں اسکیم کے تحت مکانات کی مانگ کو پورا کرنے کے مقصد سے ہاوسنگ اینڈ اربن ڈیولپمنٹ ڈیپارٹمنٹ نے ایک وسیع آئی ای سی مہم چلائی اور تمام شہری بلدیاتی اداروں میں منتخب نمائندوں کو اس کے ذریعے شامل کیا ۔ چیف سیکرٹری نے محکمہ پر زور دیا کہ وہ منظور شدہ مکانات کے کاموں کیلئے ٹینڈرنگ کا عمل شروع کرے تا کہ پروجیکٹ کی ٹائم لائینز کی پابندی کو یقینی بنایا جا سکے ۔