بھارت نے ہمیشہ خطے میں امن کے قیام کو ترجیح دی تاہم پڑوسی ممالک اس سے خوش نہیں / نائب صدر ہند

جنوبی ایشیا کے ملکوں پر امن کو فروغ دینے، غریبی کے خاتمے، عوام کی سماجی وقتصادی حالت کو بہتربنانے اور شدت پسندی کو ختم کرنے کےلئے متحد ہونے پر زور دیتے ہوئے نائب صدر ہند ایم وینکیا نائیڈونے عالمی برادری پر زور دیاہے کہ وہ شدت پسندی کی سرپرستی کرنے والے ملکوں کو الگ تھلگ کرنے کےلئے یکجا ہوں اور ان کے خلاف پابندیاں عائد کریں۔انہوں نے کہا کہ بھارت نے ہمیشہ خطے میں امن کے قیام کو ترجیح دی ہے تاہم پڑوسی ممالک اس سے خوش نہیں ہے اور امن بگاڑنے میںمصروف عمل ہے ۔ مانیٹر نگ کے مطابق نئی دلی میں ایک تقریب سے خطاب کرتے ہوئے نائب صدر ہند ایم وینکیا نائیڈونے شدت پسندی کی لعنت میں اضافے پر اپنی تشویش کا اظہار کرتے ہوئے اقوام متحدہ سے اپیل کی کہ وہ بین الاقوامی شدت پسندی پر جامع کنونشن کی بھارت کی طویل عرصے سے التوا میں پڑی تجویز پر تبادلہ خیال کو مکمل کرکے اسے منظور کرے۔انہوں نے کہا کہ اقوام متحدہ میں اصلاحات اور ایک زیادہ شمولیت والے اور برابری والے عالمی نظام کی تشکیل کی ضرورت ہے۔نائیڈو نے تمام ملکوں، خاص طور پر جنوبی ایشیا کے ملکوں پر زور دیا کہ وہ امن کو فروغ دینے، غریبی کے خاتمے، عوام کی سماجی-اقتصادی حالت کو بہتربنانے اور شدت پسندی کی لعنت کو ختم کرنے کےلئے متحد ہوں۔نائب صدرجمہوریہ نے سابق وزیراعظم لال بہادر شاستری کو خراج عقیدت پیش کرتے ہوئے کہا کہ وہ بھارت کے ایک ایسے عظیم سپوت تھے جنہوں نے بنیادی سطح سے شروعات کرکے بھارت کے وزیراعظم کے عہدے تک پہنچے اوراس کے باوجود انہوں نے ہمیشہ سادگی،انکساری اور انسانیت کی ہمدردی کے ساتھ کام کیا۔انہوں نے کہا کہ بھارت نے ہمیشہ امن کو ترجیح دے ہیں لیکن پڑوسی ممالک اس سے خوش نہیں ہے اور وہ ہمیشہ اس کوشش میں رہتے ہیں کہ خطے میں ماحول کو کس طرح سے خراب کیا جائے اور اس کو کیسے بگاڑا جائے ۔