محفل میں سید اسداللہ صفوی کی تصنیف’کتاب کربلا’ کی رسم رونمائی دی گئی انجام
اندر کلچرل فورم سمبل سوناواری
کے اہتمام سے ادبی مرکز کمراز جموں و کشمیر کی سرپرستی میں امام بارگاہ شگن پورہ سوناواری میں یوم آغاسید رضا حسینی ہمدانی علیہ رحمہ کی مناسبت سے ایک پررونق ادبی محفل کا انعقاد ہوا۔محفل کا آغاز تلاوت کلام پاک سے ہوا جس کی سعادت رابعہ جعفر کو حاصل ہوئی جبکہ نعت رسول مقبول ﷺ شمیمہ یوسف نے پیش کیا۔اندر کلچرل فورم کے صدر سلیم یوسف نے آغاز میں تمام شرکاء مہمانوں کا والہانہ استقبال کیا۔یہ محفل دو نشستوں پر مشتمل تھی اور پہلی نشت کی صدارت معروف براڈکاسٹر اور ادبی مرکز کمراز کے جنرل سیکریٹری شبنم تلگامی نے کی جبکہ امداد ساقی،سید طاہر موسوی،اور ڈاکٹر واحد رضا ایوان صدارت میں موجود رہے۔اس دوران معروف براڈکاسٹر اور قلم کار سید عابد حسین گوہر نے سید رضا علیہ رحمہ کی زندگی,رسائی ادب، تعلیمات اور ان کی مرثیہ نگاری پر مکالہ پیش کیا جس پر سید اختر حسین منصور نے تبصرہ پیش کیا۔سید رضا علیہ رحمہ کے نئے ایڈیشن پر ڈاکٹر ارشد ملک نے اپنا مختصر تبصرہ پیش کیا جبکہ امداد ساقی، سید ڈاکٹر واحد رضا،سید طاہر موسوی اور ذاکر شبیر حسین نے سید رضا علیہ رحمہ کی مرثیہ نگاری کو قوم کے لئے مشتمل راہ قرار دیا۔ اپنے صدارتی کلمات میں شبنم تلگامی نے سید رضا علیہ رحمہ کو شاندار الفاظ میں اپنا خراج پیش کرتے ہوئے اس بات کا اعلان کیا کہ آیندہ سال یومِ سید رضا علیہ رحمہ ساہتیہ اکیڈمی کے اشتراک سے منایا جائے گا۔محفل کی دوسری نشت عرفان طرابی کی صدارت میں منعقد ہوئی ان کے ساتھ ایوان صدارت میں سرور ہاشمی، محتاج گنستانی اور سید اسداللہ صفوی موجود رہے۔اس نشت میں سید اسداللہ صفوی کی کشمیری مرثیہ نگاری پر مبنی تصنیف’کتاب کربلا’کی رسم رونمائی انجام دی گئی۔محفل کے دوران المہدی ویلفیئر سوسائٹی شگن پورہ سوناواری کو شرف سید رضا علیہ رحمہ 2024 کے اعزاز سے نوازا گیا۔آخر پر سید رضا علیہ رحمہ کے آستان عالیہ پر اجتماعی فاتح خوانی کی گئی۔واضح رہے کہ محفل کی نظامت کے فرائض گلفام بارجی نے انجام دئے۔
