وزیر خارجہ جے شنکر نے دوطرفہ تعلقات پر تبادلہ خیال کیلئے کویت کے ولی عہد سے ملاقات کی

کویتسٹی۔ 18؍ اگست۔ ایم این این۔  وزیر خارجہ ایس جے شنکر نے اتوار کو کویت کے ولی عہد شیخ صباح الخالد الصباح سے ملاقات کی اور دوطرفہ تعلقات کو اعلیٰ سطح پر لے جانے کے بارے میں ان کی بصیرت طلب کی۔جے شنکر اتوار کو ایک دن کے دورے پر یہاں پہنچے تھے۔ ملک پہنچنے پر ان کے کویتی ہم منصب عبداللہ علی ال یحییٰ نے ان کا استقبال کیا۔  وزیر خارجہ  نے  ایکس پر پوسٹ کیا کہ  مملکت کے ولی عہد شیخ صباح الخالد الصباح الحمد المبارک الصباح سے ملاقات کرنا اعزاز کی بات ہے۔ کویت کے صدر اور وزیر اعظم کی طرف سے نیک خواہشات کا اظہار کیا اور ہماری عصری شراکت داری کو مزید بلندی تک لے جانے کے لیے ان کا شکریہ ادا کیا۔ جے شنکر کا دورہ دونوں فریقین کو ہندوستان اور کویت کے دوطرفہ تعلقات کے مختلف پہلوؤں کا جائزہ لینے کے قابل بنائے گا جس میں سیاسی، تجارت، سرمایہ کاری، توانائی، سیکورٹی، ثقافتی، قونصلر اور عوام سے عوام کے رابطوں کے ساتھ ساتھ باہمی علاقائی اور بین الاقوامی مسائل پر تبادلہ خیال کیا جائے گا۔ یہ دورہ کویت میں ایک عمارت میں خوفناک آتشزدگی میں 45 ہندوستانیوں کی موت کے تقریباً دو ماہ بعد ہوا ہے۔ کویت کے منگاف میں سات منزلہ عمارت میں جون میں آگ لگنے سے کم از کم 49 غیر ملکی کارکن ہلاک اور 50 زخمی ہو گئے تھے۔