وزیر دفاع نے چنئی میں نئی   جدید ترین میری ٹائم ریسکیو کوآرڈینیشن سنٹر کی عمارت کا افتتاح کیا

چنئی /رکشا منتری جناب راج ناتھ سنگھ نے آج  چنئی، تمل ناڈو میں جدید ترین انڈین کوسٹ گارڈ میری ٹائم ریسکیو کوآرڈینیشن سنٹر کی عمارت کا افتتاح کیا۔ یہ  چنئی پورٹ کے احاطے اور پڈوچیری میں کوسٹ گارڈ ایئر انکلیو میں واقع ہے۔ یہ عمارتیں مضبوط بحری سلامتی کو یقینی بنانے اور ہنگامی صورت حال پر موثر ردعمل فراہم کرنے کے لیے قائم کی گئی ہیں، جس سے سمندری حفاظت اور ماحولیاتی تحفظ کے لیے ملک کے عزم کو تقویت ملی ہے۔اس جدید ترین سہولت کا مقصد سمندر میں مصیبت میں مبتلا میرینرز اور ماہی گیروں کے لیے میری ٹائم ریسکیو آپریشنز کے تعاون اور تاثیر کو نمایاں طور پر بڑھانا ہے۔ یہ جانوں کے تحفظ اور نازک حالات میں فوری ردعمل کو یقینی بنانے کے حکومت کے عزم کی نشاندہی کرتا ہے۔ یہ مرکز زمینی اور سیٹلائٹ سسٹمز کے ذریعے مصیبت کی نگرانی کے لیے جدید ترین آلات سے لیس ہے اور آئی سی جی کے اعلیٰ تربیت یافتہ اہلکاروں کی طرف سے الرٹس کے حقیقی وقت کے انتظام کے لیے جدید مواصلاتی نظام سے لیس ہے، جس میں تلاش اور بچاؤ کے طریقہ کار میں مہارت حاصل ہے ۔ یہ اسٹیبلشمنٹ بحر ہند کے علاقے میں ساحلی ریاستوں سے ملحقہ پانیوں میں سمندری آلودگی بالخصوص تیل اور کیمیائی آلودگی کے خلاف ردعمل کو مربوط کرنے کے لیے اپنی نوعیت کی پہلی سہولت ہے۔ اس مرکز کے قیام کا اعلان سب سے پہلے رکشا منتری جناب راج ناتھ سنگھ نے 22 نومبر 2022 کو کمبوڈیا میں ہونے والی پہلی ہند-آسیان میٹنگ کے دوران کیا تھا۔