پی ڈی پی نے ہمیشہ لوگوں کی بھلائی کے لئے کام کیا

پارٹی کے منشور کو گھر گھر پہنچایا جانا چاہئے :محبوبہ مفتی
سرینگر// پی ڈی پی صدر محبوبہ مفتی نے سری نگر میں یوتھ ورکروں سے ملاقی ہوئی ۔ انہوںنے پارٹی کو مزید مضبوط بنانے پر زور دیا۔ یو پی آئی کے مطابق پی ڈی پی صدر محبوبہ مفتی کی سربراہی میں سری نگر میں یوتھ کارکنوں کی ایک میٹنگ منعقد ہوئی جس میں وادی کے مختلف اضلاع سے آئے ہوئے نوجوان کارکنوں نے شرکت کی۔ میٹنگ کے دوران محبوبہ مفتی نے یوتھ لیڈروں اور کارکنوں پر زور دیا کہ انتخابات کے پیش نظر پارٹی کو زمینی سطح پر مضبوط کیا جائے جبکہ پی ڈی پی کے منشور کو گھر گھر پہنچانے کی خاطر بھی زمینی سطح پر کام کرنے کی ضرورت ہے۔ انہوں نے کہاکہ پی ڈی پی نے ہمیشہ لوگوں کی بھلائی کے لئے کام کیا ہے اور لوگوں کے جذبات و احساسات کی قدر کی ہے۔ انہوں نے کارکنوں کا شکریہ ادا کیا کہ مشکل ترین حالات میں بھی یوتھ کارکنان نے ہمیشہ پارٹی کا ساتھ دیا۔