سیاحتی مقام گلمرگ میں 3.6 کی شدت کا زلزلہ

شمالی کشمیر کے ضلع بارہمولہ میں واقع مشہور سیاحتی مقام گلمرگ میں بدھ کی صبح زلزلے کے ہلکے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے۔اس دوران یہاں کچھ منٹوں کے لئے افرا تفری پھیل گئے ہے تاہم بعد میں سب معمول کے مطابق چلتا رہا ہے ۔اطلاعات کے مطابق گلمرگ میںبدھ کی صبح ایک شدید زلزلہ آیا ہے جس ریکٹر اسکیل پر زلزلے کی شدت 3.6 ریکارڈ کی گئی جبکہ اس کی گہرائی دس کلو میٹر تھی۔نیشنل سینٹر فار سیسمولوجی نے بدھ کی صبح اپنے ٹویٹر ہینڈل پر زلزلے کے بارے میں جانکاری فراہم کرتے ہوئے اپنے ایک ٹویٹ میں کہا کہ جموں وکشمیر کے گلمرگ کے شمالی علاقے میں بدھ کی صبح5بجکر 57 منٹ پر زلزلے کے جھٹکے محسوس کئے گئے جس کی شدت ریکٹر اسکیل پر 3.6ریکارڈ کی گئی اور اس کی گہرائی دس کلو میٹر تھی۔علاقے میں موجود لوگوں نے کے این ایس کو بتایا اس دوران یہاں کچھ منٹوں کے لئے افراتفری مچ گئی جو بعد میں ٹھیک ہوئی ہے ۔خیال رہے کہ جموں کشمیر اور لداخ زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔