تین مزید اموات گزشتہ 36گھنٹوں میں 8افراد لقمہ اجل
سرینگر// ملک میں کووڈ 19کے معاملوں میں بتدریج اضافہ ہورہا ہے گزشتہ چوبیس گھنٹوں کے دوران ملک میں کووڈ کے مزید 814کیس سامنے آئے ہیں جبکہ اس اثناءمیں مزید تین افراد کی موت واقع ہوئی ہے جبکہ گزشتہ 36گھنٹوں کے دوران اس مرض سے 8مریضوں کی موت واقع ہنے کے ساتھ ہی 5.3 لاکھ سے زیادہ اموات ہوئیں۔وائس آف انڈیا کے مطابق ملک میں کووڈ 19کے مثبت معاملات میں بتدریج اضافہ ہورہا ہے ۔ مرکزی وزارت صحت کے مطابق ہندوستان میں COVID-19 کے 841 نئے کیس درج ہوئے ہیں، جو 227 دنوں میں سب سے زیادہ ہے، جب کہ انفیکشن کے فعال کیسوں کی تعداد 4,309 ریکارڈ کی گئی ہے۔جبکہ اس مرض میں مزید تین مریضوں کی موت واقع ہوئی ہے جن میں ایک کریلا ، ایک کرناٹک اور ایک بہار سے تعلق رکھتے تھے ۔ 5 دسمبر تک یومیہ کیسز کی تعداد دوہرے ہندسوں پر آ گئی تھی، لیکن ایک نئی قسم اور سرد موسم کی صورتحال کے سامنے آنے کے بعد کیسز پھر بڑھ گئے ہیں۔2020 کے اوائل میں شروع ہونے والی وبائی بیماری کے عروج پر روزانہ کی تعداد لاکھوں میں تھی اور اس کے بعد سے ملک بھر میں تقریباً چار سالوں میں 4.5 کروڑ سے زیادہ لوگ متاثر ہوئے اور 5.3 لاکھ سے زیادہ اموات ہوئیں۔وزارت کی ویب سائٹ کے مطابق، اس بیماری سے صحت یاب ہونے والوں کی تعداد 4.4 کروڑ سے زیادہ ہے جس کی قومی بحالی کی شرح 98.81 فیصد ہے۔ویب سائٹ کے مطابق، ملک میں اب تک کووڈ ویکسین کی 220.67 کروڑ خوراکیں دی جا چکی ہیں۔
