وزیر ریلوے اشونی ویشنو 15 دسمبر کو 68 ویں قومی ریلوے ایوارڈز  پیش کریں گے

نئی دلی/ریلوے، مواصلات اور الیکٹرانکس اور انفارمیشن ٹکنالوجی کے مرکزی وزیر جناب اشونی ویشنو 15 دسمبر  کو 68ویں ریلوے ہفتہ  کی مرکزی تقریب میں ریلوے ملازمین میں بہترین طرز عمل کو فروغ دینے کے لیے بہترین کارکردگی کا مظاہرہ کرنے والے ریلوے اہلکاروں کو ایوارڈ/شیلڈز عطا کریں گے۔ سیوا پرسکار۔2023 جس کا اہتمام بھارت منڈپم، پرگتی میدان، نئی دہلی میں کیا جا رہا ہے، زونل ریلوے/پی ایس یوز کو خاص میدان میں بہترین کارکردگی پر شیلڈز بھی پیش کی جائیں گی۔ ریلویز، کوئلہ اور کانوں کے وزیر مملکت جناب راؤ صاحب پاٹل دانوے اور ریلویز اور ٹیکسٹائل کی وزیر مملکت محترمہ درشنا اردوش مہمان خصوصی ہوں گی۔ اس موقع پر ریلوے بورڈ کے چیئرمین اور سی ای او اور ممبران، تمام زونل ریلوے کے جنرل منیجرز اور ریلوے کے پیداواری یونٹوں کے سربراہان اور ریلوے کے پی ایس یوز بھی اس موقع پر موجود ہوں گے۔مجموعی طور پر، ملک بھر کے مختلف زونل ریلوے، پروڈکشن یونٹس اور ریلوے  پی ایس یوز کے 100 ریلوے ملازمین کو ان کی شاندار خدمات کے لیے 21 شیلڈز کے ساتھ نوازا جائے گا۔ ہر سال، 16.04.1853 کو ہندوستان میں پہلی ٹرین کے چلنے کی یاد میں 10 سے 16 اپریل تک ریلوے ہفتہ منایا جاتا ہے۔ ریلوے ہفتہ کے دوران، پورے ہندوستانی ریلوے میں تقریبات کا اہتمام کیا جاتا ہے۔