مرکزی وزیر نرملا سیتا رمن نے وجئے واڑہ میں ’کرشنوینی سنگیتا نیرجنم‘ کا افتتاح کیا

 ونئے  واڑہ۔/ مرکزی وزیرخزانہ  محترمہ نرملا سیتا رمن نے  آج تممالاپلی کلاکشیترم، وجئے واڑہ میں،  کرشناوینی سنگیتا نیرجنم کا افتتاح کیا۔  شریمتی آر کے روجا، وزیر سیاحت، حکومت آندھرا پردیش، شری بگنا راجیندر ناتھ، وزیر خزانہ، حکومت آندھرا پردیش، سمٹی وی ودیاوتی، سکریٹری، وزارت برائے سیاحت حکومت ہند  بھی  اس موقع پر موجودتھے۔اس موقع پر اظہار خیال کرتے ہوئے مرکزی وزیر خزانہ اور کارپوریٹ امور نے تلگو ثقافت کی شاندار وراثت اور کلاسیکی روایات میں تلگو زبان کے قابل ذکر شراکت کو یاد کیا جس میں لازوال کمپوزیشن کا ایک قابل ذکر ذخیرہ تیار کیا گیا ہے۔آندھرا پردیش میں اپنی نوعیت کے پہلے عظیم الشان میوزک فیسٹیول کے انعقاد کے لیے کی گئی قابل ذکر کوششوں کے لیے اپنی تعریف کا اظہار کرتے ہوئے، انہوں نے تبصرہ کیا، "میں نے تیاگراجہ اور شیاما ساستری کریتس کو سن کر تیلگو کی خوبصورتی کو سیکھنا اور سمجھنا شروع کیا۔ تیلگو زبان کی خوبصورتی ایک ایسی چیز ہے جس کی قدر کی جانی چاہیے۔ اس خطے کے قصبوں اور سمستھانوں نے کلاسیکی موسیقی میں بہت زیادہ تعاون کیا ہے۔ اب وقت آگیا ہے کہ ہم ان شاندار روایات کو  نوجوان نسل تک پہنچائیں۔ انہوں نے تجویز پیش کی کہ یہ ایک سالانہ خصوصیت بن جائے اور دوسرے ممتاز قصبوں جیسے راجمندری، وشاکھاپٹنم وغیرہ میں بھی منعقد کی جائے۔آندھرا پردیش کی وزیر برائے سیاحت، محترمہ آر کے روجا نے کرشناوینی سنگیتا نیرجنم کے افتتاحی ایڈیشن کو وجئے واڑہ اور آندھرا پردیش میں لانے کے لیے وزارت سیاحت اور وزارت ثقافت، حکومت ہند کا شکریہ ادا کیا اور موسیقی کی اہمیت پر زور دیا۔ انہوں نے کرناٹک موسیقی کے فروغ میں آندھرا پردیش اور تیلگو زبان کے تعاون پر بھی روشنی ڈالی۔سکریٹری، وزارت سیاحت، حکومت ہند نے اپنے خطبہ استقبالیہ میں کہا کہ یہ تقریب کلاسیکی موسیقی کو فروغ دینے میں تلگو زبان کے تعاون کو یاد کرنے کی کوشش کرتی ہے اور اس بات پر زور دیا کہ اس میلے کا مقصد مقامی روایات کو ظاہر کرکے اور اس کو فروغ دینے کے ذریعے خطے کی ثقافتی شناخت قائم کرنا ہے۔