مشیر فاروق خان نے حضرت بابا ریشی ؒ کی زیارت گاہ کی جامع ترقی پر زور دیا

لیفٹیننٹ گورنر کے مشیر فاروق خان نے آج یہاں حضرت بابا پیام الدین ریشی ( بابا ریشی) کی زیارت گاہ کی ترقی اور دیدہ¿ ذیبی کے منصوبے پر تبادلہ خیال کرنے کے لئے اَفسران کی میٹنگ منعقد کی۔میٹنگ میں چیف ایگزیکٹیو آفیسر وقف بورڈ مفتی فرید الدین ، چیف ایگزیکٹیو آفیسر گلمرگ اَتھارٹی ظہور احمد رینہ ، ایگزیکٹیو اِنجینئر وقف بورڈ اور متعلقہ اَفسران نے شر کت کی۔میٹنگ میں زیارت گاہ کی ترقی اوردیدہ¿ ذیبی کے منصوبے ، علاقے کی لینڈ سکیپنگ ، عقیدت مندوں کے لئے مختلف سہولیات کی تعمیر ، پارکنگ کی اِضافی سہولیات اور دیگر متعلقہ اَمور پر تفصیلی تبادلہ خیال کیا گیا۔ مشیر موصوف نے وقف حکام کو ہدایت دی کہ وہ 7,500کنال رقبے پر محیط زیارت گاہ کے علاقے کی مجموعی ترقی کے لئے ماسٹر پلان کی تیار کی خاطر مشاورتی اِداروں سے بذریعہ آر ایف پی فوری طور پر تجاویز طلب کریں۔ اُنہوں نے محکمہ آر کائیوز ، فارسٹ ، انٹیک ، ٹاﺅن پلاننگ وغیرہ کے پیشہ ور اَفراد کو شامل کرنے کے لئے بھی کہا۔مشیر فاروق خان نے اَفسران پر زور دیا کہ وہ علاقے میں نئی تعمیرات کے دوران ماحولیاتی پس منظر کو مد نظر رکھا جائے۔ اُنہوں نے نئی تعمیرات کے دوران زمین کے بہترین استعمال پر بھی زور دیا اور وقف اور گلمرگ ڈیولپمنٹ اَتھارٹی سے کہا کہ وہ عقیدت مندوں کی سہولیت کے لئے اَچھی تعداد میں سینیٹری کمپلیکس تعمیر کرے۔لیفٹیننٹ گورنر کے مشیر فاروق خان نے زیارت گاہ کے اَحاطے میں پالتھین کے استعمال پر پابند ی عائد کرنے کے لئے کہا اور وقف اَتھارٹیوں کو ہدایت دی کہ زیارت گاہ کے آس پاس میں بائیو ڈیگریڈی بل متبادل کیریج بیگ دستیاب کئے جائیں ۔ اُنہوں نے سی اِی او گلمرگ ڈیولپمنٹ اَتھارٹی سے بھی کہا کہ وہ زیارت گاہ کے آس پاس اور اس کے احاطے میں بھی کافی تعداد میںکوڑا ڈان فراہم کرے۔