کنویں کی صفائی کے دوران 2مزور لقمہ اجل

لسجن سرینگر میں منگل کے روز دو مزدور اُس وقت ہلاک ہوئے جب وہ ایک کنویں کی صفائی کے دوران بے ہوش ہوگئے ۔ اطلاعات کے مطابق سرینگر کے لسجن علاقے میں کنویں کی صفائی کے دوران دو مزدوروں کی موت واقع ہوئی ہے ۔ معلوم ہوا ہے کہ کنویں کی صفائی کے دوران 2مزدو ر جن میں 45سالہ ذاکر احمد ساکن پونچھ اور 38سالہ طالب احمد ساکن گول گلاب گڑھ پونچھ بے ہوشی کی حالت میں کنویں کے نزدیک پائیے گئے۔ اس دوران مقامی لوگوں نے دونوں مزدوروں کو نیم مردہ حالت میں ہسپتال پہنچایا جہاں ڈاکٹروں نے انہیں مردہ قراردیا ۔ ذرائع نے بتایا کہ دونوں مزدوروں کی موت کاربن ڈیاکسائڈ کے اخراج سے ہوئی ہے ۔ اس سلسلے میں پولیس نے متعلقہ دفعات کے تحت کیس درج کرکے چھان بین شروع کردی ہے ۔ ادھر پولیس ذرائع نے اس واقعے کی تصدیق کرتے ہوئے بتایا کہ دونوں مزدوروں کی لاشوں کو آخری رسومات کے لئے ان کے ورثاءکے حوالے کی جارہی ہے البتہ قانونی اور طبی لوازمات ضروری ہے ۔