آج وزیراعظم نریندر مودی کا72واں یوم پیدائش ہے ۔اس موقعہ پر صدر دروپدی مرمو،امت شاہ ،راجناتھ سنگھ ،نرملا سیتا رمن ودیگرسینئر مرکزی وزرائ،بی جے پی صدر جے پی نڈااورجموں وکشمیر کے لیفٹنٹ گورنر منوج سنہا نے وزیراعظم کومبارکباد پیش کرتے ہوئے موصوف کے تئیں نیک خواہشات کااظہارکیا ہے ۔جے کے این ایس کودستیاب تفصیلات کے مطابق وزیراعظم نریندر دامودر داس مودی 17 ستمبر1950 کو ریاست بمبئی (موجودہ گجرات) کے ضلع مہسانہ کے وڈ نگر میں ایک گجراتی ہندﺅ خاندان میں پیدا ہوئے۔ وہ دامودر داس مول چند مودی کے 6 بچوں میں سے تیسرے تھے۔وزیراعظم نے زندگی کے ابتدائی ایام میں سخت محنت کی ،تاہم محض18سال کی عمرمیں شادی کے بندھن میں بندجانے کے فوراًبعدوہ گھر سے چلے گئے اورطویل عرصے کیلئے گھر اورگھروالوں سے دوررہے ۔ وزیراعظم نریندر مودی نے بارہاخود کہاکہ انہوں نے اپنے والدین کے گھر سے نکلنے کے بعد2 سال تک شمالی ہندوستان کا سفر کیا، متعدد مذہبی مراکز کا دورہ کیا۔ 1971 میں گجرات واپسی پر، وہ آر ایس ایس کے کل وقتی کارکن بن گئے۔ 1975 میں وزیر اعظم اندرا گاندھی کی طرف سے ملک میں ایمرجنسی کے اعلان کے بعد مودی روپوش ہو گئے۔ آر ایس ایس نے انہیں 1985 میں بی جے پی میں تفویض کیا اور وہ 2001تک پارٹی کے تنظیمی ڈھانچے میں کئی عہدوں پر فائز رہے، جنرل سکریٹری کے عہدے تک بڑھے۔ نریندر دامودر داس مودی 2001 سے2014 تک گجرات کے وزیر اعلیٰ رہے۔سال2014کے پارلیمانی انتخابات میں اب کی بار مودی سرکار کے نعرے کایہ اثر ہوکہ بی جے پی نے الیکشن میں بھاری اکثریت حاصل کی ،جو1984کے بعدکسی بھی پارٹی کی جانب سے لوک سبھا میں لی گئی سب سے زیادہ نشستیں تھیں ۔سال2014میں 14سال تک گجرات میں حکمرانی کرنے والے نریندر دامودر داس ملک کے14ویں وزیراعظم بن گئے ۔تاحال وزیراعظم کے عہدے پر فائض نریندر دامودر داس انڈین نیشنل کانگریس سے باہر سب سے طویل عرصے تک رہنے والے وزیر اعظم ہیں۔