جموں و کشمیرمیں چھ گھنٹے میں چار بار آیا زلزلہ، کوئی نقصان نہیں

جموں و کشمیر میں منگل کو 6 گھنٹوں کے دوران کم شدت والے 4 مرتبہ زلزلے کے جھٹکے محسوس کئے گئے۔نیشنل سینٹر فار سیسمولوجی کے مطابق جموں میں پیر اور منگل کی درمیانی شب میں زلزلے کے ہلکے جھٹکے محسوس کئے گئے۔ انہوں نے کہا کہ اس زلزلے کا مرکز کٹرہ علاقہ تھا اور اس کی گہرائی 10 کلو میٹر تھی۔اطلاعات کے مطابق جموں و کشمیر میں منگل کو 6 گھنٹوں کے دوران کم شدت والے 4 مرتبہ زلزلے کے جھٹکے محسوس کئے گئے۔ نیشنل سینٹر فار سیسمولوجی کے مطابق جموں میں پیر اور منگل کی درمیانی شب میں زلزلے کے ہلکے جھٹکے محسوس کئے گئے۔ انہوں نے کہا کہ اس زلزلے کا مرکز کٹرہ علاقہ تھا اور اس کی گہرائی 10 کلو میٹر تھی۔اس زلزلے کی شدت ریکٹر اسکیل پر 3.9 ریکارڈ ہوئی ہے اور یہ زلزلہ رات کے 2 بجکر 20 منٹ پر آیا۔ مذکورہ سینٹر کے مطابق اس کے بعد جموں و کشمیر میں تین مزید ہلکے درجے کے زلزلے آئے، جن میں سے پہلا رات کے 3 بجکر21 منٹ پر دوسرا 3 بجکر 44 منٹ پر اور تیسرا صبح 8 بجکر 3 منٹ پر آیا۔ان زلزلوں کی شدت ریکٹر اسکیل پر بالترتیب 2.8 ,2.6 اور 2.9 ریکارڈ ہوئی ہے۔ تاہم ان زلزلے کے نتیجے میں کسی جانی یا مالی نقصان کی کوئی اطلاع نہیں ہے۔ واضح رہے کہ جموں و کشمیر اور لداخ زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔