سیکرٹری منصوبہ بندی ، ترقی اور نگرانی محکمہ ڈاکٹر راگھو لنگر نے آج کے سی تھیٹر کمپلیکس جموں کے سامنے واقع گورنمنٹ میڈیکل کالج جموں کے ڈاکٹروں کے رہائشی کوارٹروں کا تفصیلی معائینہ کیا۔مذکورہ عمارت کا کمپلیکس زائد اَز 45برس پرانا ہے اور اِس وقت خستہ حال ہے ۔ سیکرٹری منصوبہ بندی نے اِس کا سنجیدگی سے جائزہ لیا اور متعلقہ اِنجینئروں اور محکما نہ اَفسران کو ہدایت دی کہ وہ مذکور ہ عمارت کے احاطے کی بڑی تزئین و آرائش کے لئے فوری طور پر ڈی پی آر تیار کریں اور اسے مزید جانچ کے لئے حکومت کو پیش کریں ۔ ڈاکٹر س انکلیو کُل 14 عمارتوں پر مشتمل ہے جس میں 58 فلیٹس کے علاوہ پارکیں ، گارڈن اور عام سہولیات ہیں۔چیف اِنجینئر پی ڈبلیو ڈی جموں منظور حسین نے سیکرٹری کو آگاہ کیا کہ بڑی اندرونی مرمت ، بیرونی کام ، مکمل الیکٹرک فٹنگ او رلینڈ سکیپنگ کے ابتدائی تخمینہ تیار کیا گیا ہے اور جلد ہی ڈی پی آر پیش کیا جائے گا۔ایڈمنسٹریٹر گورنمنٹ میڈیکل کالج جموں اَشونی کھجوریا او رایسو سی ایٹیڈ ہسپتالوں کو جو کہ اِنتظامی سیکرٹری کے ساتھ تھے ، کو ہدایت دی گئی کہ وہ اِس کی پیروی کریں اور اس دوران نالوں کی صفائی ، جھاڑیوں کی کٹائی وغیرہ کو فوری طور پر یقینی بنائیں ۔سپر اِنٹنڈنگ اِنجینئر پی ڈی ڈی ( جے پی ڈی سی ایل ) جموں راجندر گپتا کو ہدایت دی گئی کہ وہ سب سٹیشن کی عمارت کی ضروری صلاحیت میں اِضافہ اور تزئین و آرائش کو یقینی بنائیں۔
ڈاکٹر راگھو لنگرنے اَفسران کو مطلع کیا کہ پرنسپل سیکرٹری محکمہ صحت و طبی تعلیم نے مذکورہ عمارت کے احاطے کی حالت کے بارے میں اطلاع دینے پر اِس مسئلے کا فوری نوٹس لیا ہے۔