جن دھن کھاتوں کی تعداد 50 کروڑ سے متجاوز

ملک کے مالیاتی منظر نامے کو بدلنے میں کامیاب کرنے کا دعویٰ
نئی دہلی/مالی شمولیت کےلئے قومی مشن کے طور پر شروع کئے گئے پردھان منتری جن دھن یوجنا (پی ایم جے ڈی وائی) کے نو سال مکمل ہونے سے پہلے ہی، اس کے تحت کھولے گئے کھاتوں کی تعداد 50 کروڑ سے تجاوز کر گئی ہے اور ان کھاتوں میں 2.03 لاکھ کروڑ روپے جمع ہیں۔ وزیر اعظم نریندر مودی نے اپنی پہلی مدت کار کے آغاز میں یوم آزادی کے موقع پر لال قلعہ کی فصیل سے مالی شمولیت کے لیے اسکیم شروع کرنے کا اعلان کیا تھا اور یہ اسکیم 28 اگست 2014 کو شروع کی گئی۔ اب اس اسکیم کے تقریباً 9 سال مکمل ہونے والے ہیں۔ بینکوں کی طرف سے دی گئی نئی رپورٹ کے مطابق 9 اگست 2023 تک جن دھن کھاتوں کی کل تعداد 50 کروڑ سے تجاوز کر گئی ہے ۔ ان اکا¶نٹس میں سے 56 فیصد اکا¶نٹ خواتین کے ہیں اور 67 فیصد دیہی/ نیم شہری علاقوں میں کھولے گئے ہیں۔ ان کھاتوں میں جمع کی گئی رقم 2.03 لاکھ کروڑ روپے ہے ۔ ان کھاتہ داروں کو تقریباً 34 کروڑ روپے کارڈ مفت جاری کیے گئے ہیں۔ پی ایم جی ڈی وائی کھاتوں میں اوسط بیلنس 4076 روپے ہے اور 5.5 کروڑ سے زیادہ جن دھن کھاتوں میں ڈائریکٹ بینیفٹ ٹرانسفر (ڈی بی ٹی) کے فوائد منتقل کیے جا رہے ہیں۔ یہ اسکیم ملک کے مالیاتی منظر نامے کو بدلنے میں کامیاب رہی ہے ۔ پی ایم جے ڈی وائی کی کامیابی ٹیکنالوجی، تعاون اور اختراع کے ذریعے آخری شخص کو رسمی بینکنگ نظام سے جوڑنے کی کوشش ہے ۔ پی ایم جے ڈی وائی کھاتہ داروں کو کئی فوائد ملتے ہیں جیسے کم از کم بیلنس کی ضرورت کے بغیر بینک اکا¶نٹ، 2 لاکھ روپے کے حادثاتی بیمہ کے ساتھ مفت رو پے ڈیبٹ کارڈ اور 10 ہزار روپے کی اوور ڈرافٹ سہولت مل رہی ہے ۔