ایس ڈی ایچ سوپور ، پلوامہ اور گاندربل کو این بی بی ایم ایس نشستیں ملیں

جموںوکشمیر کو جی ایم سی اور ضلع ہسپتالوں میں ڈی این بی کی مزید 53نشستیں ملیں گی
ایک او راہم پیش رفت میں جس سے جموںوکشمیر میں ہیلتھ کیئر خدمات میں زبردست بہتری آنے کی توقع ہے ۔ ایس ڈی ایچ سوپور ، ضلع ہسپتال پلوامہ اور گاندربل کونیشنل بورڈ آف ایگزامینشن ان میڈیکل سائنسز( این بی ااِی ایم ایس ) نے مختلف محکموں میں تسلیم کیا ہے ۔ایس ڈی ایچ سوپور کو اینستھیزیا کے شعبہ میں تسلیم کیا گیا ہے اورنیشنل بورڈ آف ایگزامینشن ان میڈیکل سائنسز( این بی ااِی ایم ایس ) سے 2ڈپلوما نشستیں منظور کی گئی ہے ۔ ضلع ہسپتال گاندربل کو فیملی میڈیسن اور ریڈیو ڈائیگنوسس کے محکمے میں تسلیم کیا گیا ہے اور این بی اِی ایم ایس سے ہر شعبہ میں 1سیٹ کی منظور ی دی گئی ہے ۔ ضلع ہسپتال پلوامہ کو پیڈیاٹرکس اور اینستھیزیا کے شعبوں میں تسلیم کیا گیا ہے اور 4 اور 2 بالترتیب ڈپلوما نشستوں کی منظور ی دی گئی ہے ۔اِس کے علاوہ جے ایل این ایم ہسپتال سری نگر ، ڈسٹرکٹ ہسپتال کولگام اور ایس ڈی ایچ کپواڑہ نے حال ہی میں ڈی این بی ، پوسٹ ڈپلوما ڈی این بی اور پوسٹ ایم بی بی ایس ڈپلوما کورسز کے لئے بالترتیب 6،2 اور 4 مزید نشستیں حاصل کی ہیں۔نئے جی ایم سیز میں جی ایم سی اننت ناگ نے 8شعبہ جات جیسے اِی این ٹی ، فیملی میڈیسن ، پیڈیاٹرکس ، اینستھیزیا ، ریڈیو ڈائیگنوسس ، آپتھلمولوجی ، او پی گائنی اور ٹی بی اور چھاتی کے اَمراض میں سب سے زیادہ 24ڈپلوما نشستیں حاصل کی ہیں۔جی ایم سی ڈوڈہ کو جنرل سرجری میں 2ڈی این بی نشستیں ملی ہیں ۔ اِس کے علاوہ این بی اِی ایم ایس نے سکمز صورہ اور بمنہ کے لئے مزید 6نشستوں کی منظوری دی ہے ۔ اِس کے ساتھ 2022کے سیشن کے لئے جموںوکشمیر کے لئے پی جی نشستوں کی کل منظوری بڑھ کر 204 ہو گئی ہے اور یہ جموںوکشمیر یوٹی میں پہلے سے چلائے جارہے ڈی ایم ، ایم ی ایچ اور ایم ڈی ، ایم ایس کورسز سے زیادہ ہے۔مشن ڈائریکٹر نیشنل ہیلتھ مشن جموںوکشمیر یاسین چودھری نے ترقی کے بارے میں تفصیلات بتاتے ہوئے کہا کہ جموںوکشمیر کے ضلع ہسپتالوں میں ڈی این بی کورسز کا آغاز ماہرین کی کمی اور معیاری دیکھ ریکھ کی فراہمی کے کلیدی خدشات کو دُور کرنے کی ایک اہم کوشش ہے اوراُنہوں نے مزید کہا کہ2020ءکے سیشن میں ڈی ایچ کے لئے 6نشستوں کی منظوری دی گئی تھی اور 2021ءکے سیشن میں جموں وکشمیر کے لئے 145نشستوں ( 107 براد سپیشلٹی اور 38 سپر سپیشلٹی ) کو منظوری دی گئی تھی ۔ اِس میں سے 2طلباءکو 2020 ءسیشن کے لئے اور 48طلباءکو 2021ءکے سیشن کے لئے داخل کیا گیا تھا۔دوران 2022ءکے سیشن جموںوکشمیر کو 204 نشستوں کی منظوری ملی ہے اور یہ ملک میں سب سے زیادہ تعداد ہے جیسا کہ ایڈیشنل ڈائریکٹر این بی اِی ایم ایس ڈاکٹر انوراگ اَگروال نے تسلیم کیا ہے۔مشن ڈائریکٹر نیشنل ہیلتھ مشن جموںوکشمیر یاسین چودھری نے کہا کہ یہ اِنتظامی محکمہ صحت و طبی تعلیم جموںوکشمیر ، ڈائریکٹر ہیلتھ سروسز جموں /کشمیر این ایچ ایم جموں وکشمیر اور صحت و طبی کے پرنسپل سیکرٹری منوج کمار دِویدی کے زیر نگرانی ، محکمہ تعلیم اور این بی اِی ایم ایس نئی دہلی کے تعاون سے صحت اِداروں کی ٹیم کی ٹھوس کوششوں اور محنت سے ممکن ہوا ہے۔