ضلع بڈگام میں پرانے مجسمے ملا پولیس نے انہیں محکمہ آثار قدیمہ کے حوالے کر دیا

کل دوپہر گا¶ں گڈساتھو بڈگام کے مقامی لوگوں نے پولیس کو اطلاع دی کہ انہیں زمین کی کھدائی کے دوران کچھ مجسمہ ملا ہے جس پرضلع بڈگام کی پولیس پارٹی نے موقع پر پہنچ کر مجسمہ کو اپنے قبضے میں لے لیا۔ اسی مناسبت سے، محکمہ آرکائیوز، آثار قدیمہ اور عجائب گھر، جموں و کشمیر حکومت کے افسران کی ایک ٹیم کو ضلع پولیس ہیڈ کوارٹر بڈگام میں برآمد شدہ مجسمے کی جانچ کے لیے بلایا گیا۔ جانچ کے دوران یہ بات سامنے آئی کہ برآمد شدہ مجسمہ بھگوان وشنو کا ہے اور یہ تقریباً 9ویں صدی عیسوی (تقریباً 1200 سال پرانا) کا ہے۔ مجسمہ تین سروں والا ہے اور چار بازو¶ں کے ساتھ اوپری دائیں ہاتھ پر کمل ہے۔ یہ مجسمہ گندھارا اور متھرا اسکول آف آرٹ کا مرکب ہے۔اسی طرح ایک اور مجسمہ جسے کھاگ کے علاقے سے پولیس بڈگام نے برآمد کیا تھا، اس کی بھی آرکائیوز، آرکیالوجی اور میوزیم کی ٹیم نے جانچ کی جس نے ثابت کیا کہ یہ مجسمہ پنچ مکھ کا ٹکڑا ہے۔ یہ دونوں مجسمے ڈپٹی ڈائریکٹر محکمہ آرکائیوز، آرکیالوجی اینڈ میوزیم کشمیر جناب مشتاق احمد بیگ کے حوالے کیے گئے اور ان کی ٹیم نے ایس ایس پی بڈگام شری طاہر سلیم خان-جے کے پی ایس کے ذریعے ڈپٹی ڈائریکٹر ڈیپارٹمنٹ آف آرکائیوز، آثار قدیمہ پردیپ کمار جے کے اے ایس اور عجائب گھر کشمیر کی موجودگی میںاور ایس ایچ او تھانہ بڈگام انسپکٹر آفتاب احمدنے تمام کاروائی کر کے ان کے حوالہ کیا ۔