اونتی پورہ میں چار منشیات اسمگلر وں پر پبلک سیفٹی ایکٹ عائد ، جیل منتقل

منشیات کے خلاف پولیس نے مہم تیز کرتے ہوئے جنوبی قصبہ اونتی پورہ میں تین منشیات فروشوں پر پبلک سیفی ایکٹ عائد کرتے ہوئے انہیں جیل بھیج دیا ۔ اس ضمن میں پولیس ذرائع سے ملی تفصیلات کے مطابق اونتی پورہ پولیس نے منشیات کے خاتمہ کیلئے کارورائی تیز کردی ہے ۔ پولیس نے منشیات اسمگلروں کا قافیہ حیات تنگ کرتے ہوئے چار منشیات اسمگلروں پر پبلک سیفٹی ایکٹ عائد کیا ہے ۔ ان کی شناخت محمد ایوب اکھون ولد بشیر احمد، طاریق احمد میر عرف طاریق ٹائیگر ولد عبد ل سلام میر ساکنان تولہ باغ ، لطیف احمد وانی عرف لطیف کالاولد غلام محمد اور یاور یوسف صوفی عرف یاور کاندرو ساکنان کدلہ بل پانپور کے بطور ہوئی ہے ۔ ان تمام اسمگلروں کے خلاف پولیس اسیشن پانپور میںکیس درج تھا جس کے بعد ان کی گرفتاری عمل میں لائی گئی اور متعلقہ حکام کی منظوری کے بعد ان تمام اسمگلروں پر پی ایس اے عائد کرکے انہیں جیل بھیج دیا گیا ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ چاروں اسمگلر بدنام زمانہ تھے جس کے بعد ان کے خلاف کارروائی عمل میںلائی گئی ۔