انسداد منشیات ٹاسک فورس کی منشیات سمگلر کے خلاف کارروائی تین ملزمان کے خلاف گاندربل کورٹ میں فرد جرم دائر کیا گیا

انسداد منشیات ٹاسک فورس کشمیر نے منشیات سمگلروں کے خلاف پرنسپل اینڈ سیشن جج گاندربل عدالت میں چارج شیٹ دائر کیا ہے ۔ معلوم ہوا ہے کہ انسدات منشیات ٹاسک فورس کشمیر نے ایف آئی آر نمبر 49/2021، این ڈی پی ایس ایکٹ 2021کے تحت پولیس سٹیشن سی بی کے میں تین ملزمات کے خلاف کیس درج کیا تھا جن کے خلاف الزام تھا کہ مذکورہ افراد منشیات کی سمگلنگ میں ملوث ہیں اور ان کے قبضے سے 810,750کلوگرام فکی ضبط کرلی گئی تھی جبکہ اس کیس کے سلسلے میں ان کی تفتیش کے دوران انہوںنے مزید 200کلو گرام منشیات کے بارے میں جانکاری دی تھی جس کولہہ منالی کے راستے سمگل کیا جارہا تھا ۔ اس ضمن میں فوری طور پر لہہ پولیس کے ساتھ رابطہ کیا گیا تھا اور جنہوںنے یہ منشیات ضبط کرلی تھی ۔ اس کیس کے حوالے سے اے این ٹی ایف کشمیر نے مذکورہ افراد کے خلاف گاندربل کورٹ کے پرنسپل اینڈ سیشن جج کے سامنے چارج شیٹ دائر کیا ۔ اس دوران ادارے نے لوگوں سے کہا ہے کہ وہ منشیات کی سمگلنگ د اور اس لعنت کو ختم کرنے کےلئے ادارے کے ساتھ تعاون کریں ۔