گاندربل میں غیر مقامی شہری کی لاش برآمد

کنگن میں چنار کے پیڑ کے نیچے آ کر ایک شخص کی موت
گاندربل میں نامعلوم شخص کی لاش برآمد جبکہ کنگن میں درخت سے گر کر ایک شخص از جان ۔ اطلاعات کے مطابق وسطیٰ ضلع گاندربل میں مقامی لوگوں کے مطابق ہفتہ کی صبح گاندربل کے علاقہ سید کدل فتح پورہ میں ایک نامعلوم شخص کی لاش ملی، جو بظاہر ایک غیر مقامی تھا۔اس موقع پر پولیس کو اطلاع دی گئی۔ پولیس نے بتایا کہ ایک شخص جو کہ بظاہر ایک غیر مقامی ہے کی لاش فتح پورہ کے سید کدل علاقے میں پائی گئی ہے۔ادھر وسطی کشمیر کے گاندربل ضلع کے کنگن علاقے میں چنار کے درخت کو کاٹنے کے دوران ایک شخص کی موت ہو گئی۔ عینی شاہدین نے بتایا کہ نجوان کنگن میں ایک مزدور چنار کے درخت کو کاٹ رہا تھا کہ اسی دوران درخت اس کے اوپر گر گیا جس سے وہ شدید زخمی ہو گیا۔زخمی کو علاج کیلئے سب ضلع ہسپتال کنگن پہنچایا گیا ، جہاں ڈاکٹروں نے مردہ قرار دے دیا۔مزدور کی شناخت جلال الدین ولد محمد یعقوب ساکنہ ووسان کنگن کے طور ہوئی ہے۔اس سلسلے میں پولیس نے متعلقہ دفعات کے تحت مقدمہ درج کر لیا۔