کمشنر سیکرٹری فلوری کلچر نے شویپاں میں عوامی دربار کا اِنعقاد کیا

عوامی رَسائی پروگرام لوگوں پر مرکوز عوامی پالیسی کی تشکیل کو یقینی بناتے ہیں
شوپیان/24جولائی2024ئ
کمشنر سیکرٹری فلوری کلچر، پارکس اینڈ گارڈنز شیخ فیاض احمد نے آج شوپیاں میں عوامی رَسائی پروگرام کی صدارت کی جس میں عوامی مسائل اور شکایات کے حل کے لئے موقع پر جائزہ لیا گیا۔
عوامی دربار لوگوں کی شکایات اور مطالبات کے اَزالے کے لئے جموں و کشمیر حکومت کے پُرعزم اَقدام کے تحت منعقد کیا گیا جس میں مقامی لوگوں اور مختلف عوامی نمائندوں اور افراد کی زبردست شرکت دیکھنے میں آئی۔
ضلع ترقیاتی کونسل کے ممبران، فروٹ گروﺅرس، تاجروں، صنعتی اِداروں، سماجی کارکنوں اور ضلع بھر کے اَفراد پر مشتمل وفود نے مختلف فلاحی اور ترقیاتی ضروریات کو پیش کیا اور مختلف محکموں سے متعلق مسائل اور شکایات کو اُجاگر کیا۔
عوامی دربار میں جن اہم مسائل کواُجاگر کیا گیا ان میں مغل روڈ، پنجورہ شوپیاں ٹاو¿ن اور بٹہ موران کے ساتھ نئے پارکوں کی ترقی، کھیلوں، تعلیمی، صحت اور فائر سروسز کے بنیادی ڈھانچے کو بڑھانا،شہرکے اَندر بہتر ٹرانسپورٹ خدمات ،شوپیاں ٹاو¿ن کے لئے ماسٹر پلان پر نظر ثانی اور نکاسی آب میں ترقی، عوامی سہولیات،پی ایچ ایچ کیٹی گری کے تحت مستحق افراد کی کوریج میں اضافہ، اے ٹی ایم کی سہولیات، کیلر میں جی ڈِی سی کا قیام، سڑکوں کے کام اور میکڈیمائزیشن، وِلیج ڈرنیج اورفٹ پاتھ، ڈِی ایچ میں ماہرین کی تعیناتی سمیت ضلع کے صحت مراکز میں خالی اَسامیوں کو پُر کرنا، آبپاشی کی سہولیات اور نہروں کی بحالی اور دیکھ دیکھ، بلاک سطح پر سوئیل ٹیسٹنگ لیبارٹریوں کی تعمیر، پیسٹی سائیڈ کوالٹی کنٹرول، مغل روڈ کے ساتھ سہولیات، سیاحتی کی تشہیری تقریبات ، پبلک لائبریریوں کا قیام اور دیگر ترقیاتی مسائل شامل ہیں۔