بارہمولہ میں منشیات فروش گرفتار، ممنوعہ ادویات بر آمد:پولیس

سری نگر/ منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ میں ایک اور منشیات فروش کو گرفتار کرکے اس کی تحویل سے ممنوعہ ادویات بر آمد کی ہیں۔ایک پولیس ترجمان اپنے ایک بیان میں تفصیلات فراہم کرتے ہوئے کہا کہ پولیس اسٹیشن شیری کی ایک پارٹی نے گانٹمولہ کالونی میں ایک ناکے کے دوران ایک شخص کو روکا۔انہوں نے کہا کہ تلاشی کے دوران اس کی تحویل سے اسپاسمو پراکسیون پلس سائیکو ٹراپک کے 72 کیسپول بر آمد کئے گئے۔بیان میں منشیات فروش کی شناخت گوہر احمد بٹ ولد غلام محمد بٹ ساکن پہلیہارن کے طور پور ہوئی ہے۔ترجمان نے بتایا کہ اس کو گرفتار کرکے پولیس اسٹیشن شیری میں زیر حراست رکھا گیا ہے۔انہوں نے مزید کہا کہ اس سلسلے میں پولیس اسٹیئشن شیری میں متعلقہ دفعات کے تحت ایک کیس درج کرکے تحقیقات شروع کی گئی ہیں۔قابل ذکر ہے کہ بارہمولہ پولیس نے منشیات کے خلاف وسیع پیمانے پر جنگ کو جاری رکھتے ہوئے سال 2023 کے دوران این ڈی پی ایس ایکٹ کے تحت 264 مقدمے درج کرکے 464 منشیات فروشوں کو گرفتار کیا۔