وزیرتعلیم دھرمیندر پردھان نے میٹا کے ساتھ 3 سالہ شراکت داری کا آغاز کیا

 نئی دلی/مرکزی وزیر برائے تعلیم  جناب دھرمیندر پردھان نے آج نئی دہلی میں وزارت تعلیم، وزارت ہنرمندی کی ترقی اور میٹا کے درمیان 3 سالہ شراکت داری "تعلیم سے انٹرپرینیورشپ: طلباء، اساتذہ اور کاروباری افراد کی ایک نسل کو بااختیار بنانا” کا آغاز کیا۔ میٹا اور سی بی ایس ای،  اے آئی سی ٹی ای،  این آئی   ایس بی  یو ڈی کے درمیان 3 لیٹر آف انٹینٹ  کا تبادلہ ہوا۔ وزیر مملکت برائے تعلیم محترمہ انپورنا دیوی اور الیکٹرانکس اور انفارمیشن ٹکنالوجی اور ہنرمندی کی ترقی اور کاروباری شخصیت کے وزیر مملکت جناب راجیو چندر شیکھر بھی اس موقع پر موجود تھے۔اس تقریب سے خطاب کرتے ہوئے، شری دھرمیندر پردھان نے کہا کہ آج شروع کی گئی پہل وزیر اعظم جناب نریندر مودی کے ہندوستان کو دنیا کا ہنر مندانہ دارالحکومت بنانے اور ہماری امرت پیدھی کو بااختیار بنانے کے وژن کو آگے بڑھا رہی ہے۔انہوں نے مزید کہا کہ ‘ایجوکیشن ٹو انٹرپرینیورشپ’ شراکت داری ایک گیم چینجر ہے، جو ڈیجیٹل اسکلنگ کو نچلی سطح تک لے جائے گی۔ یہ ہمارے ٹیلنٹ پول کی صلاحیتوں میں اضافہ کرے گا، طلباء، نوجوانوں، افرادی قوت اور مائیکرو انٹرپرینیورز کو مستقبل کی ٹیکنالوجیز کے ساتھ بغیر کسی رکاوٹ کے جوڑے گا اور ہماری امرت  پیڑھی کو نئے دور کے مسائل حل کرنے والوں اور کاروباری افراد میں تبدیل کرے گا۔انہوں نے کہا کہ ہندوستان کی جمہوریت، آبادی اور تنوع کو ٹکنالوجی کے تبادلوں سے جوڑنا ہے تاکہ ٹکنالوجی پورے سماج کے لیے برابری کا باعث بن جائے۔ انہوں نے مزید کہا کہ  قومی تعلیمی پالیسی کے اصولوں کی رہنمائی میں، میٹا، سی  بی ایس ای،  اے آئی سی ٹی  اور این  آئی    ایس بی یو ڈیکے ساتھ شراکت داری ہماری آبادی کو اہم ڈیجیٹل مہارتوں سے آراستہ کرنے اور مائیکرو انٹرپرینیورز اور چھوٹے کاروباروں کو بااختیار بنانے کے لامحدود امکانات کو متحرک کرے گی۔جناب راجیو چندر شیکھر نے اپنے خطاب میں اس تیزی سے بدلتے وقت میں ہمارے نوجوانوں اور افرادی قوت کو تیار کرنے پر حکومت کی توجہ کو اجاگر کیا، تاکہ وہ ٹیکنالوجی اور عالمی معیشت کے بدلتے ہوئے منظرنامے میں کامیاب ہونے اور اہم کردار ادا کرنے کے لیے مہارتوں سے لیس ہوں۔ انہوں نے مزید کہا کہ ڈیجیٹل مہارتیں، جدت طرازی کے ایکو سسٹم میں ہنر مندی اور انٹرپرینیورشپ کی نمائندگی کرتے ہوئے، زیادہ اہم بات یہ ہے کہ لاکھوں چھوٹے دیہی، مائیکرو اور سیلف ایمپلائیڈ انٹرپرینیورز کے درمیان ایک پل کی نمائندگی کرتی ہے، جس سے وہ توسیع، ترقی اور کامیاب ہو سکتے ہیں۔میٹا کے صدر، عالمی امور، سر نک کلیگ نے ایک ویڈیو پیغام میں، شری دھرمیندر پردھان کا افرادی قوت کے دو اہم ترین شعبوں، تعلیم اور ہنر مندی کے درمیان شراکت داری کو ایک ساتھ لانے میں تعاون کے لیے ان کا شکریہ ادا کیا۔ انہوں نے مزید کہا کہ ہندوستان کا ٹیلنٹ بیس اور تیزی سے ڈیجیٹل اپنانے سے یہ ہمارے لیے ابھرتی ہوئی ٹیکنالوجیز میں سرمایہ کاری کرنے کا بہترین مقام ہے۔ وہ ہندوستان کے طلباء، نوجوانوں اور کاروباری افراد کو بااختیار بنانے میں میٹا کے تعاون کے منتظر تھے، جس میں ہندوستانی اسٹارٹ اپس اور کاروباروں کے لیے ہنر مندی کی نشوونما پر خاص توجہ دی گئی تھی، جس نے اپنے جی 20 صدارت کے دوران ہندوستان کے ساتھ تعلیم، روزگار کی تخلیق، مہارت کی ترقی اور صارف جیسے شعبوں میں قریب سے کام کیا تھا۔