سانبہ میں ہتھیاروں کی سمگلنگ ناکام ، چار پستول اور آٹھ میگزین بر آمد

جموں کے سانبہ علاقے میں بین الاقوامی سرحد پر ہتھیاروں کی سمگلنگ کی کوشش کو ناکام بناتے ہوئے فوج و فورسز نے چار پستول اور آٹھ میگزین بر آمد کر لیں ہے ۔ ادھر کولگام میں یو پی جی ایل بر آمد کر لیا گیا جس کے بعد اسکو ناکارہ بنایا گیا ۔ذرائع کے مطابق بی ایس ایف نے سانبہ سیکٹر میں اسلحہ اسمگلنگ کی کوشش کو ناکام بنانے کا دعویٰ کیا ہے ۔ ڈی آئی جی بی ایس ایف نے اس کی تصدیق کرتے ہوئے بتایا کہ ایک مصدقہ اطلاع ملنے کے بعد جمو ں کے سانبہ سیکٹر میں اُس پار سے ہتھیاروں کی سمگلنگ کی کوشش ہوئی تھی جس کو ناکام بنایا گیا جس دوران بھاری مقدار میں اسلحہ بر آمد کر لیا گیا ۔ ادھر بی ایس ترجمان نے اپنے ایک مختصر بیان میں کہا کہ بی ایس ایف نے ضلع سانبہ میں بین الاقوامی سرحد پر ہتھیار سمگلنگ کی ایک کوشش کو ناکام بناتے ہوئے بھاری مقدار میں اسلحہ و گولہ بارود ضبط کیا۔انہوں نے کہا کہ بر آمد شدہ اسلحہ و گولہ بارود میں 4 پستول،8 پستول میگزین اور 232 گولیاں شامل ہیں۔ انہوںنے کہا کہ اس معاملے میں کیس درج کرکے تحقیقات شرو ع کر دی گئی ہے ۔ادھر جنوبی ضلع کولگام کے کھیت میں فوج کی ایک آر آر نے ایک مصدقہ اطلاع ملنے کے بعد تلاشی کاررروائیاں عمل میںلائی جس دوران کھیت سے ایک یو پی جی ایل بر آمد کی گئی ۔ یو پی جی ایل کی بر آمدگی کے بعد بم ڈسپوزل اسکارڈ کو طلب کیا گیا جنہوں نے بعد میں اس کو ناکارہ بنایا ۔ یو پی جی ایل کو ناکارہ بنانے دوران کوئی بھی جانی یا مالی نقصان نہیںہوا ۔ پولیس نے معاملے کی نسبت کیس درج کرکے تحقیقات شروع کر دی ہے ۔