پلوامہ میں عظیم الشان نعتیہ مشاعرہ کا اہتمام

شعراءنے نبی کریم کی ذاتِ عقدس میں گلہائے عقیدت نچھاور کئے
پلوامہ کے قوئل علاقے میں اے آزاد میموریل فاونڈیشن کے زیر اہتمام ایک نعتیہ مشاعرہ کاانعقاد کیا گیا جس میں وادی کے کئی سرکردہ شاعروں اور ادیبوں نے شرکت کی۔اس موقع پر حال ہی میں انتقال کرگئیں نامور شاعر اور صحافی مرحوم عبدالرحمان آزاد کی اہلیہ کی ایصال ثواب کیلئے خصوصی دعا کی گئی۔تفصیلات کے مطابق قوئل پلوامہ میں اے آزاد میموریل فاونڈیشن کے جانب سے عظیم الشان نعتیہ مشاعرہ کا اہتمام کیا گیا۔ مشاعرے کی صدارت وادی کے معروف براڈکاسٹر و ادیب شمشاد کرالواری نے کی۔ نعتیہ مشاعرے کا آغاز تلاوت قرآن پاک سے کیا گیا جس کی سعادت شاعر غلام محمد دلشاد کو حاصل ہوئی۔اس کے بعد عاصمہ شکیل نے خوبصورت آواز میں نعتیہ کلام پیش کیا۔ ایوان صدارت میں یوسف جہانگیر، رشید راشد، عبدل الرحمان فدا اور شہباز ہاکباری موجود تھے۔وادی کے اطراف و اکناف سے آئے ہوئے کئی سرکردہ شاعروں، ادیبوں اور قلمکاروں نے نعتیہ کلام کے ذریعے نبی کریم کی ذاتِ عقدس میں گلہائے عقیدت نچھاور کئے اس بابرکت محفل میں جن شعراءنے شرکت کی ان میں جاوید قلمی، محمد یوسف دلدار ،بے نواز عبد الرشید ،غلام حسن شبنم ،فیاض دلگیر، ناصر منور ،عبدالرشید صدیقی ،شاہنواز احمد ،شاداب یاسمین ،شکیل آزاد ،گلشن بدرنی، شبنم شبیر ،یوسف جانگیر ،رشید راشد ،عبدالرحمان فدا، جی ایم دلشاد شہباز ہاکباری اور شمشاد کرالواری قابل ذکر ہیں۔اس موقع پر بزم ادب و ثقافت سرینگر کی جانب سے شاعر اور صحافی شکیل آزاد کی حوصلہ افزائی کی گئی۔ تقریب کے آخر پر حال ہی میں انتقال کرگئیں نامور شاعر اور صحافی مرحوم عبدالرحمان آزاد کی اہلیہ کی ایصال ثواب کے لئے ایک دعائیہ مجلس کا اہتمام بھی ہوا جس دوران مرحومہ کی حق میں خصوصی دعا کی گئی۔