سنتھن ٹاپ تک سڑک چند دنوں میں
کھول دی جائے گی۔ ڈی سی اننت ناگ

سرینگر/23 فروری/جنوبی کشمیر کے ضلع اننت ناگ میں پہلی بار ڈکسم سنتھن ٹاپ جانے والی سڑک کو فروری کے مہینے میں ٹریفک کے لیے کھول دیا گیا ہے جس کا مقصد جموں و کشمیر کے اس غیر معمولی مقام پر سیاحت کو فروغ دینا ہے۔اننت ناگ کے ضلع ترقیاتی کمشنر بشارت قیوم نے نامہ نگاروں کو بتایاکہ پچھلے سال سنتھن ٹاپ کی سڑک 6 اپریل کو کھولی گئی تھی۔ تاہم اگلے تین سے چار دنوں تک سڑک کی حالت کا جائزہ لینے کے بعد اسے عام لوگوں کے لیے کھولنے کی کوشش کر رہے ہیں۔انہوں نے کہا کہ برف کی صفائی مکمل ہو گئی ہے لیکن کچھ تکنیکی مداخلت کی ضرورت ہے۔سی این آئی نمائندے امان ملک کے مطابق سیاحت سمیت مختلف محکموں کے عہدیداروں کی ایک ٹیم ڈپٹی کمشنر اننت ناگ کے ساتھ چناب کے علاقے کشتواڑ کے راستے برفانی علاقے میں گئی۔اہلکار نے کہا کہ چونکہ سنتھن ٹاپ موسم گرما کے سیاحوں کے لیے ایک نئی منزل کے طور پر ابھرا ہے، سردیوں کے دوران اس علاقے کو سیاحوں کے لیے قابل رسائی بنانے کی کوششیں کی جا رہی ہیں۔ بشارت قیوم نے کہا، "اس کے لیے ہم موبائل لیویٹریز اور دیگر سہولیات فراہم کر رہے ہیں جن کی ضرورت ہے۔انہوں نے کہا کہ انتظامیہ نے سنتھن ٹاپ کے علاقے تک موبائل کنیکٹیویٹی بڑھانے کے لیے ٹیلی کام کمپنیوں کے ساتھ بات کی ہے۔