چین میں 5 لاکھ سے زائد افراد قرنطینہ کر دیئے گئے

بیجنگ/ ایجنسیز/ چین کے صوبے زی جیانگ میں کورونا کیسز میں اضافے کے پیش نظر 5 لاکھ 40 ہزار سے زائد افراد قرنطینہ کر دیئے گئے۔ ننگبو اور شاوشنگ شہر کے متعدد اضلاع میں بزنس آپریشنز بھی معطل کر دیئے گئے ہیں جبکہ صوبے زی جیانگ کے شہر ہانگ زاو میں بھی متعدد کمپنیوں نے پروڈکشن معطل کر دی ہے۔ چینی اسٹریٹیجسٹ کا کہنا ہے کہ زی جیانگ میں فیکٹریز کے شٹ ڈاون سے متعدد شعبوں میں سپلائی چین متاثر ہوگی۔ واضح رہے کہ زی جیانگ چین کی جی ڈی پی اور برآمدات کے حوالے سے اہم صوبہ ہے، تاہم یہاں گزشتہ روز کورونا کے 44 کیسز رپورٹ ہوئے ہیں۔ دوسری جانب چینی میڈیا کے مطابق ملک میں اومی کرون کا پہلا کیس رپورٹ ہو گیا ہے،متاثرہ شخص 9 دسمبر کو بیرون ملک سے آیا تھا، متاثرہ شخص کو اسپتال کے آئسولیشن وارڈ میں داخل کر دیا گیا ہے۔