اومیکرون کے خطرے کے پیش نظر کیلیفورنیا میں ماسک پہننا لازمی

لاس اینجلس(یو این آئیشنہوا) امریکہ کے کیلیفورنیا میں کووڈ- 19 کی نئی قسم اومیکرون اور سال کے آخر میں چھٹیوں کے مد نظر نئے ویریئنٹ کے پھیلاوکو روکنے کی غرض سے شہریوں پر بدھ سے دوبارہ ماسک پہننا لازمی کردیا گیا ہے ۔ ریاست کے پبلک ہیلتھ ڈپارٹمنٹ نے یہ جانکاری دی ہے ۔محکمہ صحت نے کہا کہ ماسک پہننے کا یہ حکم کم از کم ایک ماہ کے لیے لازمی قرار دیا گیا ہے اور بعد میں اس حکم میں مزید توسیع کی جائے گی۔محکمہ کے مطابق ریاست بھر میں کورونا کیسز میں ہفتہ وار اوسط شرح کم ہو کر تقریباً نصف رہ گئی ہے جبکہ ہسپتال میں داخل مریضوں کی شرح بڑھ کر 14 فیصد ہو گئی ہے ۔ محکمہ صحت نے کہا کہ لوگوں کو کنسرٹس، کھیلوں، میگا ایونٹس میں شرکت کر نے کے لیے ویکسی نیشن سرٹیفکیٹ اور کووڈجانچ کی منفی رپورٹ دکھانا لازمی ہے ۔