وزیر خارجہ جے شنکر کی  ماریشس کے وزیر اعظم جگناوتھکے ساتھ ملاقات

دونوں فریقوں نے شراکت داری کو آگے بڑھانے کے عزم کا اعادہ کیا
 نئی دہلی/  وزیر خارجہ ایس جے شنکر نے جمعہ کو ماریشس کے وزیر اعظم پرویند جگناوتھ سے ملاقات کی۔ دونوں رہنماؤں نے ہندوستان اور ماریشس کے درمیان "حقیقی خصوصی شراکت داری” کو آگے بڑھانے کے اپنے عزم کا اعادہ کیا۔ ایکس پر ایک پوسٹ شیئر کرتے ہوئے جے شنکر نے کہا، "آج صبح ماریشس کے  وزیراعظم  پرویندر جگناتھ  سے ملاقات کرتے ہوئے خوشی ہوئی۔ ہماری واقعی خصوصی شراکت داری کو آگے بڑھانے کے عزم کا اعادہ کیا۔اس سے پہلے 7 ستمبر کو ماریشس کے وزیر اعظم پراویند کمار جگناوتھ 9-10 ستمبر کو ہندوستان کی صدارت میں منعقد ہونے والے G20 سربراہی اجلاس میں شرکت کے لیے نئی دہلی پہنچے تھے ۔ بندرگاہوں اور جہاز رانی کے مرکزی وزیر مملکت شری پد نائک نے ہوائی اڈے پر ان کا استقبال کیا۔ دہلی کے ہوائی اڈے پر ان کا استقبال روایتی لوک رقص کے ساتھ کیا گیا۔ہندوستان 9-10 ستمبر کو نئے افتتاح شدہ بھارت منڈپم میں قومی دارالحکومت میں G20 لیڈرز سمٹ کی میزبانی کر رہا ہے۔ ملک بھر کے 60 شہروں میں جی 20 سے متعلق 200 اجلاس منعقد کیے گئے۔یہ پہلا موقع ہے کہ ہندوستان کی صدارت میں جی 20 سربراہی اجلاس ہو رہا ہے۔ جمعرات کو ماریشس کے وزیر اعظم پراوِند کمار جگناوتھ نے ہندوستان کی جی 20 صدارت کی تعریف کی