ہندوستان اور پانامہ نے انتخابی تعاون پر مفاہمت نامے پر دستخط کئے

 پناما سٹی/الیکشن کمیشن آف انڈیا اور پانامہ کے الیکٹورل ٹریبونل (ای ٹی) نے آج پاناما سٹی میں ایک مفاہمت کی یادداشت پر دستخط کیے ہیں تاکہ انتخابی انتظام اور انتظامیہ کے میدان میں ان کے جاری تعاون کے لیے ادارہ جاتی فریم ورک قائم کیا جا سکے۔ چیف الیکشن کمشنر آف انڈیا شری راجیو کمار کی قیادت میں ای سی آئی کے تین رکنی وفد نے پانامہ کے الیکٹورل ٹریبونل کے پریزائیڈنگ مجسٹریٹ مسٹر الفریڈو جنکا وینڈیہیک کے ساتھ دو الیکشن مینجمنٹ باڈیز  کے درمیان تعاون اور علم کے تبادلے کو مضبوط بنانے پر بات چیت کی۔  اس موقع پر مسٹر ایڈورڈو ویلڈیس ایسکوفری، فرسٹ نائب صدارتی مجسٹریٹ اور مسٹر لوئس اے گوریرا مورالس، سیکنڈ نائب صدارتی مجسٹریٹ، پاناما کے ای ٹی بھی موجود تھے۔اس موقع پر بات کرتے ہوئے  چیف  الیکشن کمشنر شری کمار نے کہا کہ یہ ایم او یو دنیا بھر میں انتخابی اداروں کے ساتھ منسلک ہونے اور دنیا بھر میں جمہوری عمل کو مضبوط بنانے کے لیے ای سی آئی کے جاری عزم کی عکاسی کرتا ہے۔ انہوں نے مزید کہا کہ "دنیا بھر سے انتخابی سالمیت کے بہترین طریقوں سے سیکھتے ہوئے، الیکشن کمیشن  دوسرے ممالک میں اپنے ہم منصبوں کے ساتھ آزادانہ، منصفانہ اور شفاف انتخابات کے انعقاد میں اپنی مہارت اور علم کا اشتراک کرنے کے لیے پرعزم ہے۔ بات چیت کے دوران، پانامہ کے پریزائیڈنگ مجسٹریٹ، ای ٹی مسٹر الفریڈو نے انتخابات میں ٹیکنالوجی اور سوشل میڈیا کے استعمال پر دونوں  ای ایم بیز کے درمیان تعاون پر تبادلہ خیال کیا۔ بھارتی الیکشن کمیشن اپنے ‘ بین الاقوامی تعاون پروگرام’ کے ذریعے غیر ملکی الیکشن مینجمنٹ باڈیز  کے ساتھ اپنے روابط اور تعاون کو بڑھا رہا ہے۔ گزشتہ برسوں میں میکسیکو، برازیل اور چلی کے ساتھ مفاہمت کی یادداشتوں پر دستخط کرنے کے بعد، ای سی آئی کی طرف سے لاطینی امریکہ کے خطے میں  ای ایم بی  کے ساتھ یہ چوتھا ایم او یو ہے، جس میں  ای ایم بی  اور دنیا بھر کی بین الاقوامی تنظیموں کے ساتھ مجموعی طور پر 31 ایم او یوز ہیں۔