ملک  بھر میں 9ہزار جن اوشدھی کیندر کھولے جاچکے ہیں۔   بھوپندر یادو

 نئی دلی۔ 7؍ مارچ/ صحت کی سہولیات کو سب کے لئے قابل رسائی بنانے کے لئے 9ہزار  سے زیادہ جن جن اوشدھی کیندروں کو ملک بھر میں کھول دیا گیا ہے۔مرکزی وزیر برائے محنت و روزگار اور ماحولیات ، جنگل اور آب و ہوا کی تبدیلی شری بھوپینڈر یادو نے آج دہلی کے  دوارکا میں منعقدہ جن اوشدھی دیوس 2023 پروگرام سے خطاب کیا۔ انہوں نے کہا کہ وزیر اعظم شری نریندر مودی کی سربراہی میں ، مرکزی حکومت نے 9  ہزارسے زیادہ  جن اوشدھی کیندوں کو ملک بھر میں کھول دیا ہے تاکہ  تمام لوگوں تک صحت کی سہولیات کو قابل رسائی بنائی جاسکے شری یادو نے کہا کہ ان مراکز میں دوائیں کم قیمت پر دستیاب ہیں ، جس کی وجہ سے عوام کو مہنگی دوائیوں کے بوجھ سے راحت مل رہی ہے۔ انہوں نے کہا کہ اس کے ساتھ ساتھ ، خواتین کی سہولت کو مدنظر رکھتے ہوئے ، ان جن اوشدھی کیندروں میں حکومت کی طرف سے سستے نرخوں پر سینیٹری پیڈ کی دستیابی کو بھی یقینی بنایا جارہا ہے۔شری یادو نے کہا کہ مودی حکومت سال کے آخر تک ملک میں جن اوشدھی کیندروںکی تعداد کو10ہزار تک بڑھانے کے ہدف پر کام کر رہی ہے