افغان اثاثوں سے متعلق امریکی فیصلے پر کابل میں احتجاج

امریکا میں منجمد افغان اثاثے افغان عوام کو دینے کا مطالبہ
کابل/ ایجنسیز/ افغانستان کے اثاثوں سے متعلق امریکی صدر جو بائیڈن کے فیصلے پر کابل میں احتجاج کیا گیا، سینکڑوں مظاہرین غیر منصفانہ فیصلے کےخلاف سڑکوں پر نکل آئے۔ افغان میڈیا کے مطابق مظاہرین نے احتجاجی بینرز اور پلے کارڈ اٹھا رکھے تھے۔ مظاہرین نے امریکا میں منجمد افغان اثاثے افغان عوام کو دینے کا مطالبہ کیا۔خیال رہے کہ امریکا میں افغانستان کے7 ارب ڈالر کے منجمد اثاثے موجود ہیں۔امریکی صدر جو بائیڈن نے افغان اثاثوں میں سے نصف نائن الیون متاثرین کو دینے کا اعلان کیا تھا جبکہ باقی نصف افغان اثاثوں سے افغان ٹرسٹ فنڈ بنانے کا کہا تھا۔