سونا 920 اور چاندی 3276 روپے سستی

زرمبادلہ کے ذخائر 2.24 بلین ڈالر کم ہوکر 570.74 بلین ڈالر رہ گئے
ممبئی، 21 اگست (یو این آئی) قیمتی دھاتوں پر عالمی مارکیٹ میں دبا¶ کے اثر سے دنیا کی اہم کرنسیوں کے مقابلے ڈالر کی قیمت میں اضافے کی وجہ سے گزشتہ ہفتے مقامی صرافہ مارکیٹ میں سونا 920 روپے فی 10 گرام اور چاندی 3276 روپے فی کلو سستا ہوا۔ رپورٹنگ ہفتے کے دوران عالمی مارکیٹ میں قیمتی دھاتوں کی قیمتوں میں کمی کا رجحان رہا۔ ہفتے کے آخر میں اسپاٹ گولڈ کی قیمت 42.79 ڈالر فی اونس گر کر 1749.94 ڈالر فی اونس رہ گئی۔ اس کے علاوہ امریکی سونے کے سودے 42.2 ڈالر فی اونس کی کمی کے ساتھ 1750 ڈالر فی اونس پر آ گئے ۔ اسی طرح ہفتے کے آخر میں چاندی کی قیمت 1.4 ڈالر فی اونس گر کر 19.09 ڈالر فی اونس ہوگئی۔ گزشتہ ہفتے غیر ملکی مارکیٹ کی گراوٹ کا اثر ملک کی سب سے بڑی فیوچر مارکیٹ ایم سی ایکس میں بھی دیکھا گیا۔ ویک اینڈ پر سونا 920 روپے کمی کے ساتھ 51509 روپے فی دس گرام پر آگیا۔ اس دوران سونا منی 817 روپے کمی کے ساتھ 51534 روپے فی دس گرام ہوگئی۔ اسی طرح چاندی 3276 روپے سستی ہو کر 55480 روپے فی کلو گرام ہوگئی۔ ساتھ ہی چاندی منی ہفتے کے آخر میں 2982 روپے کی کمی کے ساتھ 56240 روپے فی کلوگرام پر پہنچ گئی۔ دریں اثنائملک کے غیر ملکی زرمبادلہ کے ذخائر 12 اگست کو ختم ہونے والے ہفتے میں مسلسل دوسرے ہفتے 2.24 بلین ڈالر کی کمی کے ساتھ 570.74 بلین ڈالر رہ گئے ، جو پچھلے ہفتے میں 897 ملین ڈالر کی کمی سے 572.97 بلین ڈالر رہ گئے تھے ۔