ریزرو بینک ٹرائل بنیاد پر ڈیجیٹل کرنسی لانچ کرے گا

ہندوستان کیلئے سینٹرل بینک ڈیجیٹل کرنسی پر ایک خاکہ نوٹ جاری
ممبئی، 09 اکتوبر (یو این آئی) ریزرو بینک آف انڈیا جلد ہی مخصوص استعمال کے امور کیلئے ڈیجیٹل روپیہ (ای روپیہ) کی شروعات کرے گا۔ریزرو بینک نے ہندوستان کیلئے سینٹرل بینک ڈیجیٹل کرنسی (سی بی ڈی سی) پر ایک خاکہ نوٹ جاری کیا ہے جس میں کہا گیا ہے کہ جیسے جیسے اس طرح کے پائلٹ شروعات کی رینج اور دائرہ وسیع ہوتا ہے ، ریزرو بینک وقتاً فوقتاً، ای روپیہ کی خصوصیات اور فوائد کے بارے میں آگاہ کرے گا۔اس کانسیپٹ نوٹ کو جاری کرنے کا مقصد سی بی ڈی سی کی عمومی خصوصیات اور خاص طور پر ڈیجیٹل روپیہ (ای-روپی) کے بارے میں بیداری پیدا کرنا ہے ۔ اس کے ذریعہ ہندوستان میں سی بی ڈی سی کے اجراءکے مقاصد، اختیارات، فوائد اور خطرات کی وضاحت کرنا مقصودہے ۔ اس خاکہ نوٹ سے سی بی ڈی سی کو متعارف کرنے کے بارے میں ریزرو بینک کے نقطہ نظر بھی ظاہر کرنے کی کوشش کی گئی ہے ۔خاکہ نوٹ میں کلیدی موضوعات جیسے ٹیکنالوجی اور ڈیزائن کے اختیارات، ڈیجیٹل روپیہ کے ممکنہ استعمال، اجراءکے طریقہ کار وغیرہ پر بھی بات کی گئی ہے ۔اس میں بینکنگ سسٹم، مانیٹری پالیسی، مالیاتی استحکام پر سی بی ڈی سی کے متعارف ہونے کے مضمرات کا جائزہ پیش کیا گیا ہے اور رازداری کے مسائل کا تجزیہ کیا گیا ہے ۔